Imigani 3:1-35

  • Ba umunyabwenge kandi wiringire Yehova (1-12)

    • Jya wubaha Yehova ukoresheje ibintu by’agaciro (9)

  • Ubwenge buzana ibyishimo (13-18)

  • Ubwenge ni uburinzi (19-26)

  • Uko twakwitwara neza kuri bagenzi bacu (27-35)

    • Jya ukorera abandi ibyiza mu gihe bishoboka (27)

3  Mwana wanjye ntukibagirwe ibyo nkwigisha,Kandi ujye uhora wumvira amategeko yanjye,   Kuko bizatuma ubaho igihe kirekire,Kandi ukagira amahoro.   Ntukareke kugaragaza urukundo n’ubudahemuka. Ahubwo bizakubere nk’umukufi* mwiza wambaye mu ijosi,Kandi ujye uhora ubizirikana.   Ibyo bizatuma wemerwa, ugire ubushishozi,Ku buryo bigaragarira Imana n’abantu.   Jya wiringira Yehova n’umutima wawe wose,Kandi ntukishingikirize ku buhanga bwawe.   Ujye umuzirikana mu byo ukora byose,Na we azakuyobora.   Ntukigire umunyabwenge, Ahubwo ujye utinya Yehova kandi uhindukire uve mu bibi.   Ibyo bizaba nk’umuti ukuvura,Maze wongere ugire imbaraga.   Jya uhesha Yehova icyubahiro ukoresheje ubutunzi bwawe,N’ibyiza kurusha ibindi byo mu musaruro wawe. 10  Ni bwo aho ubika imyaka yawe hazuzura,N’urwengero rwawe rwa divayi rukuzura divayi nshya. 11  Mwana wanjye, ntukange igihano Yehova aguha,Kandi ntukarakare nagucyaha, 12  Kuko Yehova acyaha uwo akunda,Nk’uko umubyeyi acyaha umwana we yishimira. 13  Umuntu ugira imigisha ni uwungutse ubwenge,Kandi akagira ubushishozi. 14  Kugira ubwenge ni byiza cyane kuruta kugira ifeza,Kandi biruta kugira zahabu. 15  Bufite agaciro kenshi kuruta amabuye y’agaciro yo mu nyanja,*Kandi mu byo wakwifuza byose nta cyaburuta. 16  Nugira ubwenge uzabaho igihe kirekire,Kandi uzagira ubutunzi n’icyubahiro. 17  Nubugira uzishima,Kandi ugire amahoro mu buzima bwawe bwose. 18  Iyo umuntu akomeje kugira ubwenge bumubera nk’igiti cy’ubuzima.Umuntu ukomeza kubugira, azabona imigisha. 19  Yehova yaremye isi abigiranye ubwenge, Kandi yashyizeho ijuru ararikomeza abigiranye ubushishozi. 20  Ubumenyi bwe ni bwo bwatumye atandukanya amazi magari,N’ibicu byo mu kirere bigakomeza kuvamo imvura. 21  Mwana wanjye, ibyo ntukabyibagirwe.* Rinda ubwenge bwawe n’ubushobozi bwo kwiyumvisha ibintu. 22  Bizaguhesha ubuzima,Kandi bikubere nk’umurimbo wambara mu ijosi. 23  Ni bwo uzagenda mu nzira yawe ufite umutekano,Kandi nta kintu icyo ari cyo cyose kizagusitaza. 24  Uzajya uryama nta cyo wikanga,Kandi uzaryama usinzire neza. 25  Ntuzatinya ikintu giteye ubwoba gitunguranye,Cyangwa ibyago bizagera ku babi bimeze nk’imvura irimo umuyaga mwinshi. 26  Yehova azatuma ugira icyizere,Kandi azakurinda kugwa mu mutego. 27  Ntukabure guha ibyiza ababikwiriye,Mu gihe ufite ubushobozi bwo kubikora. 28  Ntukabwire mugenzi wawe uti: “Genda uzagaruke ejo ni bwo nzagira icyo nguha, Kandi ugifite muri uwo mwanya.” 29  Ntugacure umugambi wo kugirira nabi mugenzi wawe,Kandi aturanye nawe yumva afite umutekano. 30  Ntugatongane n’umuntu nta cyo mupfa,Kandi nta kibi yagukoreye. 31  Ntukagirire ishyari umunyarugomo,Cyangwa ngo ukore nk’ibyo akora. 32  Yehova yanga cyane umuntu urimanganya,Ariko abakiranutsi ni bo nshuti ze magara. 33  Yehova yemera ko abo mu rugo rw’umuntu mubi bagerwaho n’ibyago,Ariko aha umugisha abo mu rugo rw’umukiranutsi. 34  Abaseka abandi na we arabaseka,Ariko abicisha bugufi abagirira neza. 35  Abanyabwenge bazagira icyubahiro,Ariko abatagira ubwenge bazakorwa n’ikimwaro.

Ibisobanuro ahagana hasi

Cyangwa “sheneti.”
Cyangwa “amabuye yitwa marijani.” Reba Ibisobanuro by’amagambo.
Byerekeza ku mico y’Imana yavuzwe mu mirongo ibanza.