Zaburi 72:1-20
Ibyerekeye Salomo.
72 Mana, uhe umwami kumenya imanza zawe,+
Kandi uhe umwana w’umwami kumenya gukiranuka kwawe.+
2 Aburanire ubwoko bwawe akurikije gukiranuka,+Kandi aburanire imbabare zawe akurikije amategeko yawe.+
3 Imisozi nizanire abantu amahoro,+N’udusozi tubazanire amahoro binyuze ku gukiranuka.
4 Acire imanza imbabare,+Akize abana b’umukene,
Kandi ajanjagure umuriganya.
5 Bazagutinya igihe cyose izuba rizaba rikiriho,+N’igihe cyose ukwezi kuzaba kukiriho, uko ibihe biha ibindi.+
6 Azamanuka nk’imvura igwa mu giteme,+Amanuke nk’imvura nyinshi itosa ubutaka.+
7 Mu minsi ye umukiranutsi azasagamba,+Kandi azagira amahoro menshi kugeza igihe ukwezi kuzaba kutakiriho.+
8 Azagira abayoboke kuva ku nyanja kugera ku yindi,+No kuva kuri rwa Ruzi+ kugera ku mpera z’isi.+
9 Abatuye mu turere tutagira amazi bazikubita imbere ye,+Kandi abanzi be bazarigata umukungugu.+
10 Abami b’i Tarushishi n’abami b’ibirwa+Bazamuzanira amaturo;+Abami b’i Sheba n’ab’i SebaBazamuzanira impano.+
11 Abami bose bazamwikubita imbere,+N’amahanga yose azamukorera.+
12 Kuko azakiza umukene utabaza,+N’imbabare cyangwa undi muntu wese utagira kirengera.+
13 Azagirira impuhwe uworoheje n’umukene,+Kandi azakiza ubugingo bw’abakene.+
14 Azacungura ubugingo bwabo abukize urugomo no gukandamizwa,Kandi amaraso yabo azaba ay’igiciro cyinshi mu maso ye.+
15 Arakabaho,+ ahabwe kuri zahabu y’i Sheba.+Baragahora basenga bamusabira;
Nahabwe umugisha uko bwije n’uko bukeye.+
16 Hazabaho ibinyampeke byinshi ku isi;+Bizaba byinshi cyane mu mpinga z’imisozi.+Imbuto ze zizaba nyinshi nk’ibiti byo muri Libani.+Abo mu mugi bazarabya nk’ibyatsi byo ku isi.+
17 Izina rye rihoreho iteka;+Izina rye rikomeze kwamamara hose, igihe cyose izuba rizaba rikiriho,Kandi bazihesha umugisha binyuze kuri we.+Amahanga yose amwite uhiriwe.+
18 Yehova Imana, we Mana ya Isirayeli, nasingizwe,+We wenyine ukora imirimo itangaje.+
19 Izina rye ry’ikuzo risingizwe iteka,+Kandi isi yose yuzure ikuzo rye.+
Amen! Amen!
20 Amasengesho ya Dawidi mwene Yesayi+ arangiriye aha.
