Ezekiyeli 47:1-23

47  Nuko angarura ku muryango w’Inzu,+ maze ndebye mbona amazi+ atemba aturuka munsi y’irembo ry’Inzu ryerekeye iburasirazuba,+ kuko umuryango w’Inzu warebaga iburasirazuba. Ayo mazi yatembaga aturutse munsi, iburyo bw’Inzu, mu majyepfo y’igicaniro.  Hanyuma ansohora anyujije mu irembo ryo mu majyaruguru,+ anzengurutsa hanze angeza ku irembo ry’inyuma ryerekeye iburasirazuba,+ maze ndebye mbona amazi+ atemba mu ruhande rw’iburyo.  Uwo mugabo agenda yerekeye iburasirazuba afite umugozi ugera mu ntoki ze,+ apima imikono igihumbi maze anyuza muri ayo mazi, nuko angera mu tugombambari.  Arakomeza apima indi mikono igihumbi maze anyuza muri ayo mazi, angera mu mavi. Arakomeza apima indi mikono igihumbi maze anyuza muri ayo mazi, angera mu rukenyerero.  Arakomeza apima indi mikono igihumbi. Wari umugezi ntashobora kwambuka, kuko amazi yari yabaye menshi, ku buryo umuntu yayogamo; yari yabaye umugezi umuntu adashobora kwambuka.  Nuko arambwira ati “mwana w’umuntu we, mbese ibyo wabibonye?” Hanyuma angarura ku nkombe z’uwo mugezi.  Ngarutse mbona ku nkombe z’uwo mugezi, hakurya no hakuno, hari ibiti byinshi cyane.+  Nuko arambwira ati “aya mazi aratemba agana iburasirazuba, kandi agomba kunyura muri Araba+ akagera mu nyanja.+ Nagera mu nyanja,+ amazi yayo azakira.  Aho uwo mugezi wikubye kabiri uzanyura hose, ibifite ubugingo* biba mu mazi+ bizabona ubuzima. Hazaba amafi menshi cyane kuko ayo mazi azahagera maze amazi y’inyanja agakira;+ kandi aho uwo mugezi uzagera hose ibintu byose bizagira ubuzima. 10  “Abarobyi bazahagarara ku nkombe z’iyo nyanja uhereye muri Eni-Gedi+ ukagera muri Eni-Egulayimu. Hazaba imbuga yo kwanikaho inshundura, habe n’amoko menshi cyane y’amafi, nk’ayo mu Nyanja Nini.+ 11  “Icyakora ibishanga n’inkuka zaho ntibizakira;+ bizahinduka umunyu.+ 12  “Mu mpande z’uwo mugezi, ku nkombe yo hakurya n’iyo hakuno, hazamera ibiti by’amoko yose byera imbuto ziribwa.+ Amababi yabyo ntazuma+ kandi imbuto zabyo ntizizahundura.+ Buri kwezi bizajya byera imbuto, kuko amazi yabyo aturuka mu rusengero.+ Imbuto zabyo zizaba ibyokurya, n’amababi yabyo abe ayo gukiza.”+ 13  Umwami w’Ikirenga Yehova aravuga ati “iki ni cyo gihugu muzagabana kikaba umurage wanyu, kikaba icy’imiryango cumi n’ibiri ya Isirayeli, Yozefu agahabwa imigabane ibiri.+ 14  Muzaragwa iki gihugu narahiye nzamuye ukuboko+ ko nzagiha ba sokuruza,+ buri wese abone umugabane ungana n’uw’umuvandimwe we; iki gihugu muzakigabana kibe umurage wanyu.+ 15  “Uru ni rwo rugabano rw’igihugu mu majyaruguru, uhereye ku Nyanja Nini ukanyura mu nzira ijya i Hetiloni+ ugana i Sedadi+ 16  n’i Hamati+ n’i Berotayi+ n’i Siburayimu, hagati y’urugabano rwa Damasiko+ na Hamati, n’i Hazeri-Hatikoni herekeye ku rugabano rwa Hawurani.+ 17  Uhereye ku nyanja, urugabano rwanyuraga i Hasari-Enani,+ ku rugabano rw’i Damasiko, rugakomeza rwerekera mu majyaruguru rukagera ku rugabano rw’i Hamati.+ Urwo ni rwo rugabano rwo mu majyaruguru. 18  “Urugabano rw’iburasirazuba ruri hagati ya Hawurani+ na Damasiko+ no kuri Yorodani+ hagati ya Gileyadi+ n’igihugu cya Isirayeli. Muzapime muhereye kuri urwo rugabano mugeze ku nyanja y’iburasirazuba. Urwo ni rwo rugabano rw’iburasirazuba. 19  “Urugabano rwo mu majyepfo ruva i Tamari+ rukagera ku mazi y’i Meribati-Kadeshi,+ kuva ku kibaya+ kugera ku Nyanja Nini. Urwo ni rwo rugabano rwo mu majyepfo aherekeye i Negebu. 20  “Urugabano rw’iburengerazuba ni Inyanja Nini, kuva ku rugabano rwo mu majyepfo kugera i Hamati.+ Urwo ni rwo rugabano rw’iburengerazuba.” 21  “Muzigabanye icyo gihugu, mukigabanye imiryango cumi n’ibiri ya Isirayeli. 22  Muzagabane icyo gihugu kibe umurage wanyu,+ muheho n’abimukira batuye hagati yanyu,+ babyariye abana muri mwe. Bazababere nka ba kavukire hagati y’Abisirayeli, baherwe umurage hamwe namwe mu miryango ya Isirayeli.+ 23  Umuryango umwimukira atuyemo ni wo muzamuheramo umurage,” ni ko Umwami w’Ikirenga Yehova avuga.

Ibisobanuro ahagana hasi