^{א [Alefu]} 3  Ndi umuntu wabonye imibabaro+ bitewe n’inkoni y’umujinya we.  ²  Yaranshoreye anyuza mu mwijima ntiyanyuza mu mucyo.+  ³  Koko rero, akomeza kumbangurira ukuboko umunsi ukira.+ ^{ב [Beti]  4}  Yatumye umubiri wanjye n’uruhu rwanjye bishiraho.+ Yamenaguye amagufwa yanjye.+  ⁵  Yanyubatseho urukuta, angotesha+ igiti cy’uburozi+ n’ingorane.  ⁶  Yanyicaje mu mwijima+ nk’abapfuye kera cyane.+ ^{ג [Gimeli]  7}  Yanzitije urukuta rw’amabuye kugira ngo ntahita.+ Yambohesheje imihama y’umuringa+ iremereye.  ⁸  Kandi iyo ntatse nkarangurura ijwi ntabaza, akumira isengesho ryanjye.+  ⁹  Inzira zanjye yazifungishije amabuye aconze.+ Imihanda nyuramo yarayiyobeje.+ ^{ד [Daleti] 10}  Yambereye nk’idubu yubikiriye,+ amerera nk’intare iri mu bwihisho.+ ¹¹  Yavurunze inzira zanjye, angira nk’umurima uraye. Yangize nk’itongo.+ ¹²  Yabanze umuheto we,+ angira intego y’umwambi we.+ ^{ה [He] 13}  Yampinguranyije impyiko akoresheje imyambi, abana bo mu kirimba cye.+ ¹⁴  Abantu bose bampinduye urw’amenyo;+ bangira indirimbo yabo umunsi ukira.+ ¹⁵  Yampaye ibintu byinshi bisharira.+ Yampagije igiti gisharira cyane.+ ^{ו [Wawu] 16}  Amenyo yanjye yayamenaguje umucanga.+ Yatumye nigaragura mu ivu.+ ¹⁷  Nanone watereranye ubugingo bwanjye bituma butagira amahoro. Nibagiwe icyitwa icyiza cyose.+ ¹⁸  Nkomeza kwibwira nti “icyubahiro cyanjye cyarayoyotse, hamwe n’ibyo nari niteze kuri Yehova.”+ ^{ז [Zayini] 19}  Ibuka akababaro kanjye n’uko ntagira aho mba,+ wibuke igiti gisharira cyane n’igiti cy’uburozi.+ ²⁰  Ubugingo bwawe buzibuka maze wuname undebe.+ ²¹  Icyo ni cyo nzibuka mu mutima wanjye.+ Ni cyo kizatuma nkomeza gutegereza.+ ^{ח [Heti] 22}  Ibikorwa by’ineza yuje urukundo+ bya Yehova ni byo byatumye tudashiraho,+ kuko imbabazi ze zitazigera zishira.+ ²³  Bihinduka bishya buri gitondo.+ Ubudahemuka bwawe ni bwinshi.+ ²⁴  Ubugingo bwanjye bwaravuze buti “Yehova ni umugabane wanjye,+ ni yo mpamvu nzakomeza kumutegereza.”+ ^{ט [Teti] 25}  Yehova abera mwiza umwiringira;+ abera mwiza ubugingo bukomeza kumushaka.+ ²⁶  Ni byiza ko umuntu ategereza,+ ndetse agategereza agakiza ka Yehova+ acecetse.+ ²⁷  Ni byiza ko umugabo yikorera umugogo mu gihe cy’ubusore bwe.+ ^{י [Yodi] 28}  Niyicare ukwe akomeze aceceke+ kuko Imana yabimwikoreje.+ ²⁹  Namanuke akoze umunwa mu mukungugu.+ Ahari wenda hari ibyiringiro.+ ³⁰  Nategere itama umukubita.+ Nahage ibitutsi.+ ^{כ [Kafu] 31}  Kuko Yehova atazamutererana iteka.+ ³²  Kuko nubwo yateza umuntu agahinda,+ azamugirira imbabazi nk’uko ineza yuje urukundo ye ari nyinshi.+ ³³  Kuko nubwo yateje abantu imibabaro n’agahinda, ntibyaturutse mu mutima we.+ ^{ל [Lamedi] 34}  Kuko guhonyora+ imfungwa zose zo mu isi,+ ³⁵  Kugoreka urubanza rw’umuntu imbere y’Isumbabyose,+ ³⁶  No kurenganya umuntu mu rubanza, Yehova ntashobora kubyemera.+ ^{מ [Memu] 37}  None se ni nde wigeze avuga ngo ikintu kibeho Yehova ubwe atategetse ko kiba?+ ³⁸  Kuko mu kanwa k’Isumbabyose hataturukamo ibibi n’ibyiza.+ ³⁹  Umuntu muzima yakwinuba ate,+ umugabo w’umunyambaraga yakwinubira ate icyaha cye?+ ^{נ [Nuni] 40}  Nimucyo dusuzume inzira zacu kandi tuzigenzure,+ maze tugarukire Yehova.+ ⁴¹  Nimucyo twerekeze umutima wacu ku Mana iri mu ijuru kandi tuyitegere ibiganza+ tuvuga tuti ⁴²  “Twaracumuye turigomeka,+ ntiwatubabarira.+ ^{ס [Sameki] 43}  Wadukumirishije uburakari,+ ukomeza kudukurikirana.+ Waratwishe ntiwatugirira impuhwe.+ ⁴⁴  Wikingirije igicu+ kugira ngo isengesho ritakugeraho.+ ⁴⁵  Watugize ibicibwa n’ibishingwe mu bantu bo mu mahanga.”+ ^{פ [Pe] 46}  Abanzi bacu bose baratwasamiye.+ ⁴⁷  Ibiteye ubwoba n’umwobo,+ gushoberwa no kurimbuka byabaye ibyacu.+ ⁴⁸  Amaso yanjye akomeza gutemba imigezi y’amazi bitewe no kurimbuka k’umukobwa w’ubwoko bwanjye.+ ^{ע [Ayini] 49}  Ijisho ryanjye ryarasutswe kandi ntirizatuza, ku buryo ritazaruhuka,+ ⁵⁰  Kugeza ubwo Yehova azitegereza akareba hasi ari mu ijuru.+ ⁵¹  Ijisho ryanjye ryigirijeho nkana ubugingo bwanjye,+ bitewe n’abakobwa bose bo mu mugi wanjye.+ ^{צ [Tsade] 52}  Abanzi banjye bampize nk’abahiga inyoni+ bampora ubusa.+ ⁵³  Bacecekeshereje ubuzima bwanjye mu rwobo,+ bakomeza kumpirikiraho amabuye. ⁵⁴  Amazi yatembeye ku mutwe wanjye.+ Naribwiye nti “ndapfuye pe!”+ ^{ק [Kofu] 55}  Yehova, nambaje izina ryawe ndi mu rwobo hasi cyane.+ ⁵⁶  Umva ijwi ryanjye.+ Ntuhishe amatwi yawe ngo ubure kumpa agahenge no kumva ijwi ryo gutabaza kwanjye.+ ⁵⁷  Ku munsi nakomezaga kukwambaza waranyegereye+ urambwira uti “witinya.”+ ^{ר [Reshi] 58}  Yehova, wamburaniye urubanza rw’ubugingo bwanjye.+ Wacunguye ubuzima bwanjye.+ ⁵⁹  Yehova, wabonye ibibi bankoreye.+ Umburanire.+ ⁶⁰  Wabonye ukuntu banyihimuyeho, n’ibibi byose batekereje kungirira.+ ^{ש [Sini] cyangwa [Shini] 61}  Yehova, wumvise igitutsi bantutse n’ibibi byose batekereje kungirira,+ ⁶²  Wumvise amagambo ava mu kanwa k’abampagurukiye,+ n’ukuntu bamvugira mu byongorerano umunsi ukira.+ ⁶³  Reba uko bicara n’uko bahaguruka.+ Bangira indirimbo yabo.+ ^{ת [Tawu] 64}  Yehova, uzabiture ukurikije umurimo w’amaboko yabo.+ ⁶⁵  Uzatume bagira umutima winangiye,+ umuvumo wawe uzababeho.+ ⁶⁶  Yehova, uzabakurikire ufite uburakari ubatsembe+ munsi y’ijuru ryawe.+