REBA

(Zaburi 127:1)

  1. 1. Dore umunsi mwiza,

    Mana turagushimira.

    Ntitwabona uko tuvuga

    Uko dukunzwe.

    Uduha imigisha,

    Mu murimo waduhaye.

    Tubyemezwa n’iyi nzu nziza

    Tukweguriye.

    (INYIKIRIZO)

    Aha hantu heza twubatse,

    Hazatuma usingizwa.

    Mana yacu tuzakumvira, tugukunde

    Tunagusenge iteka.

  2. 2. Abantu twakoranye,

    Batubereye incuti!

    Tuzazirikana iteka

    Ubwo bucuti.

    Twakoranye mu bumwe,

    Bitewe n’umwuka wawe.

    Mana imigisha uduha

    Ntirondoreka!

    (INYIKIRIZO)

    Aha hantu heza twubatse,

    Hazatuma usingizwa.

    Mana yacu tuzakumvira, tugukunde

    Tunagusenge iteka.