Soma ibirimo

Jya kuri meni ya kabiri

Reba urutonde rw'ibirimo

Abahamya ba Yehova

Ikinyarwanda

Agatabo k’Iteraniro ry’Umurimo n’Imibereho ya Gikristo  |  Ukwakira 2017

 IMIBEREHO IKWIRIYE ABAKRISTO

Jya usingiza Yehova iteka ryose

Jya usingiza Yehova iteka ryose

Ubuzima ni impano y’agaciro. Uko dukoresha iyo mpano ni byo bigaragaza agaciro tuyiha. Bitewe n’uko turi Abahamya ba Yehova, dukoresha impano n’ubushobozi dufite duhesha Yehova ikuzo, kuko ari we waduhaye ubuzima (Zb 36:9; Ibh 4:11). Icyakora imihangayiko yo muri iyi si ishobora gutuma tudashyira mu mwanya wa mbere ibyo gukorera Yehova (Mr 4:18, 19). Buri wese yagombye kwibaza ati: “Ese mpa Yehova ibyiza kuruta ibindi (Hs 14:2)? Ese akazi nkora gatuma ntakorera Yehova neza? Ni izihe ntego zo mu buryo bw’umwuka mfite? Nakwagura umurimo wange nte?” Niba hari aho ubona wagira icyo uhindura, jya usenga Yehova kugira ngo abigufashemo. Gusingiza Yehova buri munsi bituma tunyurwa kandi tukagira ibyishimo.—Zb 61:8.

Impano wahawe uzikoresha ukorera nde?

MUREBE VIDEWO IVUGA NGO JYA UKORESHA IMPANO UFITE UKORERA YEHOVA, HANYUMA MUSUBIZE IBIBAZO BIKURIKIRA:

  • Kuki bidahuje n’ubwenge gukoresha impano zawe ukorera isi ya Satani? (1Yh 2:17)

  • Abaha Yehova ibyiza kuruta ibindi babona iyihe migisha?

  • Ni iyihe mirimo wakora kugira ngo ukoreshe impano wahawe uteza imbere umurimo wa Yehova?