Soma ibirimo

Jya kuri meni ya kabiri

Reba urutonde rw'ibirimo

Abahamya ba Yehova

Ikinyarwanda

Tega Imana amatwi uzabeho iteka

 IGICE CYA 7

Yesu yari muntu ki?

Yesu yari muntu ki?

Yehova yohereje Yesu ku isi. 1 Yohana 4:9

Niba dushaka gushimisha Yehova, hari undi muntu ukomeye tugomba gutega amatwi. Kera cyane Yehova atararema Adamu, yabanje kurema umumarayika ukomeye mu ijuru.

Hashize igihe, Yehova yohereje uwo mumarayika kugira ngo avukire i Betelehemu, abyawe n’umukobwa w’isugi witwaga Mariya. Uwo mwana bamwise Yesu.—Yohana 6:38.

Yesu amaze gukura yagaragaje imico y’Imana mu buryo butunganye. Yari umugwaneza, akunda abantu kandi akishyikirwaho. Yigishaga abandi ukuri ku byerekeye Yehova, akabikora ashize amanga.

 Nubwo Yesu yakoraga ibyiza abantu baramwangaga. 1 Petero 2:21-24

Nanone Yesu yakijije abarwayi kandi azura abapfuye.

Abayobozi b’amadini banze Yesu kubera ko yashyiraga ahabona inyigisho zabo z’ibinyoma n’ibikorwa byabo bibi.

Abayobozi b’amadini boheje Abaroma bakubita Yesu baramwica.