Soma ibirimo

Jya kuri meni ya kabiri

Reba urutonde rw'ibirimo

Abahamya ba Yehova

Ikinyarwanda

Tega Imana amatwi uzabeho iteka

 IGICE CYA 8

Urupfu rwa Yesu rukumariye iki?

Urupfu rwa Yesu rukumariye iki?

Yesu yarapfuye kugira ngo dushobore kubaho. Yohana 3:16

Hashize iminsi itatu Yesu apfuye, hari abagore baje ku mva ye basanga irimo ubusa. Yehova yari yamuzuye.

Nyuma yaho Yesu yabonekeye intumwa ze.

Yehova yazuye Yesu ari ikiremwa cy’umwuka gifite imbaraga kandi kidashobora gupfa. Abigishwa ba Yesu bamubonye ajya mu ijuru.

 Imana yazuye Yesu imugira Umwami w’Ubwami bwayo. Daniyeli 7:13, 14

Yesu yatanze ubuzima bwe kugira ngo acungure abantu (Matayo 20:28). Imana yatumye dushobora kubaho iteka binyuze kuri iyo ncungu.

Yehova yimitse Yesu kugira ngo abe Umwami utegeka isi. Azategekana n’abantu b’indahemuka 144.000 bazuwe bakajyanwa mu ijuru. Yesu n’abo bantu 144.000 ni bo bagize ubwami bwo mu ijuru bukiranuka, ari bwo Bwami bw’Imana.—Ibyahishuwe 14:1-3.

Ubwami bw’Imana buzahindura isi paradizo. Intambara, ubugizi bwa nabi, ubukene n’inzara ntibizongera kubaho ukundi. Abantu bazagira ibyishimo nyakuri.—Zaburi 145:16.

IBINDI WAMENYA

UBUTUMWA BWIZA BUTURUKA KU MANA

Yesu Kristo ni muntu ki?

Menya impamvu Yesu yapfuye, icyo incungu ari cyo n’icyo akora ubu.

UBUTUMWA BWIZA BUTURUKA KU MANA

Ubwami bw’Imana ni iki?

Umwami w’Ubwami bw’Imana ni nde? Ubwami bw’Imana buzakora iki?