Soma ibirimo

Jya kuri meni ya kabiri

Reba urutonde rw'ibirimo

Abahamya ba Yehova

Ikinyarwanda

Ibibazo 10 urubyiruko rwibaza n’ibisubizo byabyo

 IKIBAZO CYA 7

Nakora iki hagize umpatira kuryamana na we?

Nakora iki hagize umpatira kuryamana na we?

IMPAMVU ARI NGOMBWA KUBYIBAZA

Imyanzuro ufata mu birebana n’ibitsina, izagira ingaruka zikomeye ku buzima bwawe.

ARI WOWE WAKORA IKI?

Tekereza kuri iyi nkuru: Heather na Mike bamaranye amezi abiri gusa, ariko wagira ngo baziranye kuva kera. Bahora bohererezanya ubutumwa kuri telefoni, bakamara amasaha menshi kuri telefoni baganira. Bageze aho umwe ashobora kumenya icyo undi ashaka kuvuga atararangiza no kukivuga. Ariko noneho Mike arashaka ibirenze ibiganiro.

Muri ayo mezi abiri ashize, Mike na Heather nta kindi bakoze kirenze gufatana mu biganza no gusomana ibi byoroheje. Heather ntashaka ko bakora ibirenze ibyo, ariko nanone ntashaka gushwana na Mike. Ni we muntu utuma yumva aguwe neza, kuko amugera ku mutima cyane! Kandi arimo aribwira ati “n’ubundi jye na Mike turakundana . . . ”

Niba uri mukuru ku buryo watangira kurambagizanya, maze ugahura n’ikibazo nk’icya Heather, wakora iki?

FATA AKANYA UTEKEREZE

Imibonano mpuzabitsina ni impano Imana yageneye gusa abashakanye. Kuyikora mbere yo gushaka ni ukwangiza iyo mpano. Ni nko gufata umwenda mwiza cyane umuntu yaguhaye, ukajya uwuhanaguza imyanda

Iyo wirengagije itegeko rya fiziki, urugero nk’itegeko rigenga imbaraga rukuruzi z’isi, ugerwaho n’ingaruka. Ibyo ni na ko bigenda iyo wirengagije itegeko mbwirizamuco, urugero nk’irivuga ngo ‘mwirinde ubusambanyi.’—1 Abatesalonike 4:3.

Ni izihe ngaruka ziterwa no kurenga kuri iryo tegeko? Bibiliya igira iti “usambana aba akoreye icyaha umubiri we bwite” (1 Abakorinto 6:18). Mu buhe buryo?

 Abashakashatsi babonye ko abenshi mu rubyiruko bakora imibonano mpuzabitsina batarashaka, bagerwaho n’ingaruka zibabaje zikurikira.

  • UMUTIMANAMA UBACIRA URUBANZA. Abenshi mu rubyiruko bishoye mu mibonano mpuzabitsina, bavuze ko nyuma yaho bicujije icyatumye babikora.

  • GUTAKARIZWA ICYIZERE. Iyo abantu bamaze kuryamana, buri wese atangira kwibaza ati “ariko ubu nta wundi baryamanye ra?”

  • KUMANJIRWA. Abakobwa benshi bakunda umuntu ubitaho akabarinda, aho kubangiza gusa. Abahungu na bo bumva batagikunze umukobwa bamaze kuryamana na we.

  • Icyo wazirikana: Iyo ukoze imibonano mpuzabitsina utarashaka, uba utakaje ikintu cy’agaciro (Abaroma 1:24). Umubiri wawe ufite agaciro ku buryo utagombye kuwangiza.

Garagaza ko wiyemeje ‘kwirinda ubusambanyi’ (1 Abatesalonike 4:3). Hanyuma igihe nikigera ugashaka, uzakora imibonano mpuzabitsina. Icyo gihe noneho uzaba ushobora kuyishimira mu buryo bwuzuye, udahangayitse kandi uticuza, nk’uko bijya bigendekera abishora mu mibonano mpuzabitsina batarashaka.—Imigani 7:22, 23; 1 Abakorinto 7:3.

 UBITEKEREZAHO IKI?

  • Ese umuntu ugukunda by’ukuri yakwangiza ubuzima bwawe kandi agatuma ibyiyumvo byawe bihungabana?

  • Ese umuntu ukwitaho by’ukuri yagushuka ngo ukore ikintu cyatuma udakomeza kugirana n’Imana imishyikirano myiza?—Abaheburayo 13:4.