• YAVUTSE MU MWAKA WA 1927

  • ABATIZWA MU WA 1962

  • ICYO TWAMUVUGAHO: Yahoze ari umupolisi, aza kumara imyaka isaga 50 ari umupayiniya wa bwite.

MU MWAKA wa 1964, noherejwe kuba umupayiniya wa bwite mu karere ka Manokwari muri Papouasie y’i Burengerazuba, ahari itorero rito ryarwanyijwe cyane n’abayobozi b’idini baho. Nkimara kuhagera, hari umupasiteri wahise antera mu rugo.

Yarantombokeye ati “ngiye gusenya iyi nzu nirukane Abahamya ba Yehova muri Manokwari.”

Ntiyashoboye kunkanga kuko nari narigeze kuba umupolisi. Ahubwo namushubije ntuje, hanyuma aragenda.1 Pet 3:15.

Icyo gihe muri Manokwari hari ababwiriza umunani gusa. Ariko ubu nyuma y’imyaka igera kuri 50, hari amatorero arindwi. Abantu basaga 1.200 baje mu ikoraniro ryabereye muri ako gace mu mwaka wa 2014. Iyo nitegereje ibyo Yehova yakoze muri ako karere kitaruye, numva nishimye cyane.