Soma ibirimo

Jya kuri meni ya kabiri

Reba urutonde rw'ibirimo

Abahamya ba Yehova

Ikinyarwanda

Bibiliya kuri interineti | BIBILIYA-UBUHINDUZI BW'ISI NSHYA

Zekariya 7:1-14

7  Mu mwaka wa kane w’ingoma y’umwami Dariyo,+ ku munsi wa kane w’ukwezi kwa cyenda, ari ko Kisilevu,+ ijambo rya Yehova ryaje kuri Zekariya.  Beteli yohereje Shareseri na Regemu-Meleki n’abantu be kugira ngo bajye guhendahenda+ Yehova,  babwire abatambyi+ bo mu nzu ya Yehova nyir’ingabo n’abahanuzi bati “ese mu kwezi kwa gatanu+ nzarire kandi niyirize ubusa, nk’uko najyaga mbigenza muri iyi myaka yose?”+  Ijambo rya Yehova nyir’ingabo rikomeza kunzaho rigira riti  “bwira abaturage bose bo mu gihugu n’abatambyi, uti ‘ese muri iyo myaka mirongo irindwi,+ igihe mwajyaga mwiriyiriza ubusa+ kandi mukaboroga mu kwezi kwa gatanu n’ukwa karindwi,+ mwiyirizaga ubusa kubera jye?+  Ese iyo mwabaga murya cyangwa munywa, ntimwabaga murya kandi munywa ku bw’inyungu zanyu?  Ese ntimwagombye kuba mwarumviye amagambo+ Yehova yavuze binyuze ku bahanuzi ba kera,+ igihe Yerusalemu yari ituwe iguwe neza, yo n’imidugudu yari iyikikije, i Negebu+ no muri Shefela+ hatuwe?’”  Ijambo rya Yehova rikomeza kuza kuri Zekariya rigira riti  “Yehova nyir’ingabo aravuze ati ‘mujye muca imanza mukoresheje ubutabera nyakuri.+ Mujye mugaragarizanya ineza yuje urukundo+ n’imbabazi.+ 10  Ntimukariganye umupfakazi+ cyangwa imfubyi,+ cyangwa umwimukira+ cyangwa imbabare,+ kandi ntimukagambirire mu mitima yanyu kugirirana nabi.’+ 11  Ariko banze gutega amatwi,+ barinangira baterura intugu,+ bavunira ibiti mu matwi ngo batumva.+ 12  Imitima yabo+ bayigize urutare kugira ngo batumvira amategeko+ n’amagambo Yehova nyir’ingabo yabamenyesheje binyuze ku mwuka we+ no ku bahanuzi ba kera.+ Ibyo byatumye Yehova nyir’ingabo abarakarira cyane.”+ 13  “‘Nk’uko nabahamagaye ntibanyumve,+ na bo bazampamagara ne kumva,’+ ni ko Yehova nyir’ingabo avuze. 14  ‘Nabatatanyirije mu mahanga yose+ batigeze bamenya,+ bagenda nk’abajyanywe n’umuyaga ukaze. Igihugu basize cyaje kuba umwirare, kitagira umuntu ukinyuramo agenda cyangwa agaruka;+ icyari igihugu cyiza+ bagihinduye ikintu cyo gutangarirwa.’”

Ibisobanuro ahagana hasi