Soma ibirimo

Jya kuri meni ya kabiri

Reba urutonde rw'ibirimo

Abahamya ba Yehova

Ikinyarwanda

Bibiliya kuri interineti | BIBILIYA-UBUHINDUZI BW'ISI NSHYA

Zaburi 89:1-52

Masikili ya Etani w’Umwezerahi.+ 89  Uko Yehova agaragaza ineza yuje urukundo nzabiririmba ngeze iteka ryose.+ Uko ibihe bizagenda bisimburana, nzamenyekanisha ubudahemuka bwawe nkoresheje akanwa kanjye.+   Kuko navuze nti “ineza yuje urukundo izashimangirwa iteka;+ Ukomeza ubudahemuka bwawe mu ijuru bugahama.”+   “Nagiranye isezerano n’uwo natoranyije;+ Narahiye Dawidi umugaragu wanjye,+ nti   ‘Urubyaro rwawe+ nzarukomeza kugeza ibihe bitarondoreka, Kandi nzubaka intebe yawe y’ubwami+ ihoreho uko ibihe bizagenda bisimburana.’ ” Sela.   Yehova, ijuru rizasingiza igikorwa gitangaje wakoze;+ Ni koko, rizasingiriza ubudahemuka bwawe mu iteraniro ry’abera.   Ni nde mu ijuru wagereranywa na Yehova?+ Mu bana b’Imana, ni nde wasa na Yehova?+   Imana ikwiriye kubahwa mu nkoramutima z’abera;+ Irakomeye kandi iteye ubwoba kurusha abayikikije bose.+   Yehova Mana nyir’ingabo,+ Yah, ni nde ufite imbaraga nk’izawe?+ Ubudahemuka bwawe burakugose impande zose.+   Ni wowe utegeka imivumba y’inyanja;+ Iyo imiraba yayo ihagurutse ni wowe uyicubya.+ 10  Ni wowe wamenaguye Rahabu,+ ndetse umugira nk’uwishwe.+ Watatanyije abanzi bawe ukoresheje ukuboko kw’imbaraga zawe.+ 11  Ijuru ni iryawe,+ isi na yo ni iyawe;+ Ubutaka n’ibibwuzuyemo byose+ ni wowe wabiremye.+ 12  Amajyaruguru n’amajyepfo ni wowe wabiremye.+ Tabori+ na Herumoni+ harangurura ijwi ry’ibyishimo+ mu izina ryawe. 13  Ukuboko gufite ububasha ni ukwawe,+ Ukuboko kwawe kurakomeye,+ Ukuboko kwawe kw’iburyo gushyizwe hejuru.+ 14  Gukiranuka no guca imanza zitabera ni byo rufatiro rw’intebe yawe y’ubwami;+ Ineza yuje urukundo n’ukuri biri imbere yawe.+ 15  Yehova, hahirwa abarangurura ijwi ry’ibyishimo.+ Bakomeza kugendera mu mucyo wo mu maso hawe.+ 16  Banezererwa izina ryawe umunsi ukira,+ Kandi gukiranuka kwawe ni ko gutuma bashyirwa hejuru,+ 17  Kuko ari wowe bwiza bw’imbaraga zabo.+ Kwemerwa nawe ni byo bituma ihembe ryacu rishyirwa hejuru.+ 18  Ingabo idukingira ituruka kuri Yehova,+ Kandi umwami wacu aturuka ku Uwera wa Isirayeli.+ 19  Icyo gihe wabwiriye indahemuka zawe mu iyerekwa,+ Uravuga uti “Nafashije umunyambaraga;+ Nashyize hejuru uwatoranyijwe mu bantu.+ 20  Nabonye Dawidi umugaragu wanjye,+ Kandi namusutseho amavuta yanjye yera.+ 21  Nzamuhozaho ikiganza cyanjye,+ Kandi ukuboko kwanjye kuzamukomeza.+ 22  Nta mwanzi uzamukandamiza,+ Kandi nta mwana wo gukiranirwa uzamubabaza.+ 23  Imbere ye ni ho namenaguriye abanzi be,+ Kandi abamwanga urunuka nakomeje kubakubita.+ 24  Ubudahemuka bwanjye n’ineza yanjye yuje urukundo biri kumwe na we,+ Kandi ihembe rye rishyirwa hejuru mu izina ryanjye.+ 25  Nashyize ikiganza cye ku nyanja,+ N’ukuboko kwe kw’iburyo ngushyira ku nzuzi.+ 26  We ubwe arambwira ati ‘uri Data,+ Uri Imana yanjye+ n’Igitare cy’agakiza kanjye.’+ 27  Nanjye nzamugira nk’imfura yanjye,+ Asumbe abami bose bo ku isi.+ 28  Nzakomeza kumugaragariza ineza yanjye yuje urukundo kugeza ibihe bitarondoreka,+ Kandi isezerano nagiranye na we ntirizakuka.+ 29  Nzatuma urubyaro rwe ruhoraho iteka ryose,+ Kandi intebe ye y’ubwami izamara iminsi nk’iy’ijuru.+ 30  Abana be nibareka amategeko yanjye,+ Kandi ntibakurikize imanza zanjye,+ 31  Nibarenga ku mabwiriza yanjye, Kandi ntibakomeze ibyo nabategetse, 32  Nzabahanira igicumuro cyabo mbakubite inkoni,+ Kandi nzabaryoza ikosa ryabo ndetse mbakubite.+ 33  Ariko sinzareka kumugaragariza ineza yanjye yuje urukundo,+ Nta n’ubwo nzabura kumugaragariza ubudahemuka bwanjye.+ 34  Sinzica isezerano ryanjye,+ Kandi sinzahindura ijambo ryaturutse mu kanwa kanjye.+ 35  Narahiye kwera kwanjye rimwe na rizima,+ Sinzabeshya Dawidi.+ 36  Urubyaro rwe ruzahoraho kugeza ibihe bitarondoreka,+ Kandi intebe ye y’ubwami izaba nk’izuba imbere yanjye.+ 37  Izashimangirwa kugeza ibihe bitarondoreka nk’ukwezi, Nk’umuhamya wizerwa mu kirere.” Sela. 38  Ariko wowe wataye uwo wasutseho amavuta ukomeza kumusuzugura,+ Kandi waramurakariye cyane.+ 39  Wazinutswe isezerano ry’umugaragu wawe; Wahumanyije ikamba rye urijugunya hasi ku butaka.+ 40  Washenye ingo ze zose z’amatungo z’amabuye,+ Ibihome bye ubihindura amatongo.+ 41  Abahisi n’abagenzi bose baramusahuye;+ Yabaye igitutsi ku baturanyi be.+ 42  Washyize hejuru ukuboko kw’iburyo kw’ababisha be;+ Watumye abanzi be bose bishima.+ 43  Byongeye kandi, warwanyije inkota ye,+ Kandi ntiwamushyigikiye ku rugamba.+ 44  Watumye adakomeza kurabagirana,+ Kandi intebe ye y’ubwami wayijugunye hasi.+ 45  Wagabanyije iminsi y’ubuto bwe; Wamukenyeje ikimwaro.+ Sela. 46  Yehova, uzakomeza kwihisha ugeze ryari? Ese uzihisha iteka ryose?+ Ese uburakari bwawe buzakomeza kugurumana nk’umuriro?+ 47  Ibuka uko igihe cyo kubaho kwanjye kireshya.+ Ese abantu bose wabaremeye ubusa?+ 48  Ni nde mugabo w’umunyambaraga uriho utazabona urupfu?+ Ese ashobora kurokora ubugingo bwe akabukura mu maboko y’imva?+ Sela. 49  Yehova, bya bikorwa byawe bya kera by’ineza yuje urukundo biri he? Bya bindi warahiye Dawidi mu budahemuka bwawe biri he?+ 50  Yehova ibuka igitutsi abagaragu bawe batukwa;+ Wibuke ko ntwara mu gituza cyanjye igitutsi cy’amoko yose y’abantu.+ 51  Yehova, wibuke ukuntu abanzi bawe bagututse;+ Wibuke ukuntu batutse intambwe z’uwo wasutseho amavuta.+ 52  Yehova nasingizwe kugeza iteka ryose. Amen kandi Amen.+

Ibisobanuro ahagana hasi