Soma ibirimo

Jya kuri meni ya kabiri

Reba urutonde rw'ibirimo

Abahamya ba Yehova

Ikinyarwanda

Bibiliya kuri interineti | BIBILIYA-UBUHINDUZI BW'ISI NSHYA

Zaburi 83:1-18

Indirimbo ya Asafu.+ 83  Mana, ntuceceke;+ Mana,+ ntukomeze kurebera nta cyo uvuga, kandi ntiwiturize.   Dore abanzi bawe barivumbagatanyije;+ Abakwanga urunuka bashyize imitwe yabo hejuru.+   Bajya inama rwihishwa bagacura imigambi mibi y’amayeri yo kugirira nabi ubwoko bwawe,+ Bakagambanira abantu bawe urindira mu bwihisho.+   Baravuze bati “nimuze tubakureho ntibakomeze kuba ishyanga,+ Kugira ngo izina rya Isirayeli ritazibukwa ukundi.”+   Bunze ubumwe bajya inama mu mitima yabo,+ Bagirana isezerano ryo kukurwanya:+   Abo mu mahema ya Edomu,+ Abishimayeli, Abamowabu+ n’Abahagari,+   Gebali na Amoni+ na Amaleki, U Bufilisitiya+ hamwe n’abaturage b’i Tiro.+   Ashuri na yo yifatanyije na bo;+ Batije amaboko bene Loti.+ Sela.   Ubagirire nk’ibyo wagiriye Midiyani,+ nk’ibyo wagiriye Sisera,+ Nk’ibyo wagiriye Yabini+ mu kibaya cya Kishoni.+ 10  Barimburiwe muri Eni-Dori;+ Bahindutse ifumbire y’ubutaka.+ 11  Abakomeye babo ubagenze nk’uko wagenje Orebu na Zebu,+ N’abanyacyubahiro babo bose ubagenze nk’uko wagenje Zeba na Salumuna,+ 12  Bo bavuze bati “muze twigarurire ubuturo bw’Imana.”+ 13  Mana yanjye, ubagire nk’ibyatsi bitwawe na serwakira,+ Nk’ibikenyeri bihuhwa n’umuyaga.+ 14  Ubagire nk’umuriro utwika ishyamba,+ Nk’ibirimi by’umuriro bikongora imisozi;+ 15  Uko abe ari ko ubakurikiza umuyaga wawe w’ishuheri,+ Ubateze inkubi y’umuyaga+ wawe bahagarike umutima. 16  Yehova, wuzuze igisuzuguriro mu maso habo,+ Kugira ngo abantu bashake izina ryawe.+ 17  Baragakorwa n’isoni kandi bahagarike umutima iteka ryose,+ Bamware kandi barimbuke,+ 18  Kugira ngo abantu bamenye+ ko wowe witwa Yehova,+ Ari wowe wenyine Usumbabyose+ mu isi yose.+

Ibisobanuro ahagana hasi