Soma ibirimo

Jya kuri meni ya kabiri

Reba urutonde rw'ibirimo

Abahamya ba Yehova

Ikinyarwanda

Bibiliya kuri interineti | BIBILIYA-UBUHINDUZI BW'ISI NSHYA

Zaburi 77:1-20

Ku mutware w’abaririmbyi ba Yedutuni. Indirimbo ya Asafu.+ 77  Nzarangurura ijwi ntakambire Imana;+ Nzarangurura ijwi ntakambire Imana, kandi izanyumva.+   Ku munsi w’amakuba yanjye nashatse Yehova;+ Nijoro nateze amaboko kandi ntiyaguye ikinya; Ariko ubugingo bwanjye bwanze guhumurizwa.+   Nzibuka Imana kandi sinzatuza;+ Nzakomeza kuyitekerezaho nubwo umutima wanjye wanegekara.+ Sela.   Wafashe ibigohe byanjye;+ Narahungabanye sinashobora kuvuga.+   Natekereje ku minsi ya kera,+ Ntekereza ku myaka yo mu bihe byahise bitarondoreka.   Nzibuka indirimbo naririmbaga ncuranga inanga nijoro;+ Umutima wanjye uzatekereza ku bimpangayikishije,+ Kandi nzashakashaka nitonze.   Mbese Yehova azaduta burundu,+ Ye kongera kutwishimira?+   Mbese ineza ye yuje urukundo yararangiye burundu?+ Mbese ijambo rye ryabaye imfabusa+ kugeza iteka?   Mbese Imana yaba yaribagiwe kugaragaza ineza,+ Cyangwa yaba yararakaye ikareka kugira imbabazi?+ Sela. 10  Mbese nzakomeza kuvuga nti “iki ni cyo cyankomerekeje,+ Ni uko Isumbabyose yadukuyeho ukuboko kwayo kw’iburyo?”+ 11  Nzibuka ibyo Yah yakoze;+ Nzibuka ibikorwa bitangaje wakoze kera.+ 12  Nzatekereza ku mirimo yawe yose,+ Nite no ku migenzereze yawe.+ 13  Mana, inzira yawe iri ahantu hera.+ Ni iyihe Mana ikomeye nk’Imana yacu?+ 14  Ni wowe Mana y’ukuri ikora ibintu bitangaje;+ Wamenyekanishije imbaraga zawe hagati y’abantu bo mu mahanga.+ 15  Wakijije ubwoko bwawe ukoresheje ukuboko kwawe;+ Wakijije bene Yakobo na bene Yozefu. Sela. 16  Mana, amazi yarakubonye; Amazi yarakubonye ahinda umushyitsi,+ N’imuhengeri harivumbagatanya.+ 17  Inkuba yarahinze ibicu bisuka amazi;+ Ijwi ryumvikaniye mu kirere cyuzuye ibicu, Kandi imyambi yawe yakwiriye hirya no hino.+ 18  Urusaku rw’inkuba wahindishije rwari rumeze nk’urw’inziga z’amagare;+ Imirabyo yamurikiye ubutaka,+ Isi irivumbagatanya kandi iratigita.+ 19  Inzira yawe yanyuraga mu nyanja;+ Inzira yawe yanyuraga mu mazi menshi, Kandi aho wakandagiye ntihamenyekanye. 20  Wayoboye ubwoko bwawe nk’umukumbi,+ Ukoresheje ukuboko kwa Mose n’ukwa Aroni.+

Ibisobanuro ahagana hasi