Soma ibirimo

Jya kuri meni ya kabiri

Reba urutonde rw'ibirimo

Abahamya ba Yehova

Ikinyarwanda

Bibiliya kuri interineti | BIBILIYA-UBUHINDUZI BW'ISI NSHYA

Zaburi 66:1-20

Ku mutware w’abaririmbyi. Indirimbo. 66  Mwa bantu bo mu isi mwese mwe, murangururire Imana ijwi ryo kunesha.+   Muririmbe ikuzo ry’izina ryayo;+Muyisingize kandi muyiheshe ikuzo.+   Mubwire Imana muti “mbega ukuntu imirimo yawe iteye ubwoba!+Abanzi bawe bazaza aho uri baguhakweho batinya,+ bitewe n’imbaraga zawe nyinshi.   Abo mu isi bose bazakunamira,+Kandi bazakuririmbira, baririmbire izina ryawe.”+ Sela.   Nimuze murebe ibyo Imana yakoze;+Ibyo ikorera abana b’abantu biteye ubwoba.+   Inyanja yayihinduye ubutaka bwumutse,+Bambuka uruzi bagenda n’amaguru.+ Aho ni ho twatangiriye kuyinezererwa.+   Itegekesha ububasha bwayo iteka ryose.+Amaso yayo ahora areba amahanga.+ Abinangira ntibakishyire hejuru.+ Sela.   Mwa bantu bo mu mahanga mwe, mushime Imana yacu,+Kandi mwumvikanishe ijwi ryo kuyisingiza.+   Ituma ubugingo bwacu bukomeza kubaho,+Kandi ntiyemeye ko ikirenge cyacu kinyerera.+ 10  Mana, waratugenzuye;+Waradutunganyije nk’uko batunganya ifeza.+ 11  Watugushije mu rushundura rw’abahigi;+Wadutsikamije ibyago. 12  Watumye umuntu buntu agenda hejuru y’imitwe yacu;+Twanyuze mu muriro no mu mazi,+ Hanyuma ubituvanamo uduha ihumure.+ 13  Nzaza mu nzu yawe nzanye igitambo gikongorwa n’umuriro;+Nzaguhigurira imihigo naguhigiye,+ 14  Imihigo iminwa yanjye yavuze,+Iyo akanwa kanjye kavuze igihe nari mu makuba akomeye.+ 15  Nzagutambira ibitambo by’amatungo y’imishishe bikongorwa n’umuriro,+Nkosereze ibitambo by’amapfizi y’intama; Nzagutambira ikimasa n’amasekurume y’ihene.+ Sela. 16  Mwese abatinya Imana, nimuze mutege amatwi mbabwire+Ibyo yankoreye.+ 17  Nayihamagaje akanwa kanjye,+Nyihimbarisha ururimi rwanjye.+ 18  Niba hari ikintu kibi natekereje mu mutima wanjye,Yehova ntazanyumva.+ 19  Mu by’ukuri, Imana yarumvise,+Yita ku isengesho ryanjye.+ 20  Imana nisingizwe kuko itirengagije isengesho ryanjye,Kandi ntiyaretse kungaragariza ineza yayo yuje urukundo.+

Ibisobanuro ahagana hasi