Soma ibirimo

Jya kuri meni ya kabiri

Reba urutonde rw'ibirimo

Abahamya ba Yehova

Ikinyarwanda

Bibiliya kuri interineti | BIBILIYA-UBUHINDUZI BW'ISI NSHYA

Zaburi 65:1-13

Ku mutware w’abaririmbyi. Indirimbo ya Dawidi. 65  Mana, ukwiriye gusingizwa, kandi gucecekera imbere yawe birakwiriye muri Siyoni;+ Uzahigurirwa umuhigo.+   Wowe wumva amasengesho, abantu b’ingeri zose bazaza aho uri.+   Amakosa yaranganje.+Naho ibicumuro byacu, ni wowe uzabitwikira.+   Hahirwa uwo utoranya ukamwiyegereza+Kugira ngo ature mu bikari byawe.+Tuzahaga ibyiza byo mu nzu yawe,+Ari rwo rusengero rwawe rwera.+   Uzadusubirisha ibintu biteye ubwoba wakoranye gukiranuka,+Mana y’agakiza kacu,+ Ni wowe Byiringiro by’abo ku ngabano z’isi bose n’abari kure mu nyanja.+   Ikomeresha imisozi imbaraga zayo;+Ni koko, ikenyeye ububasha.+   Ihosha urusaku rw’inyanja;+Ihosha urusaku rw’imiraba yazo n’umuvurungano w’amahanga.+   Abatuye iyo bigwa bazagira ubwoba bitewe n’ibimenyetso byawe;+Utuma igitondo n’umugoroba ukubye birangurura ijwi ry’ibyishimo.+   Witaye ku isi kugira ngo uyihe uburumbuke;+Warayikungahaje cyane.Umugezi w’Imana wuzuye amazi.+Ubitegurira impeke,+Kuko ari ko utegura isi.+ 10  Impavu zayo zuzura amazi; ibinonko byayo biraringaniye.+Uyiha imvura nyinshi ubutaka bukoroha; uha umugisha imbuto ziyimeraho.+ 11  Wambitse umwaka ikamba ry’ineza yawe,+Kandi inzira zawe zuzuye ibintu byiza.+ 12  Inzuri zo mu butayu zihora zuzuye ibintu byiza,+N’imisozi igakenyera umunezero.+ 13  Inzuri zambaye imikumbi myinshi,+N’ibibaya byiyoroshe impeke.+ Birangurura ijwi ryo kunesha, yee, biraririmba!+

Ibisobanuro ahagana hasi