Soma ibirimo

Jya kuri meni ya kabiri

Reba urutonde rw'ibirimo

Abahamya ba Yehova

Ikinyarwanda

Bibiliya kuri interineti | BIBILIYA-UBUHINDUZI BW'ISI NSHYA

Zaburi 48:1-14

Indirimbo ya bene Kora.+ 48  Yehova arakomeye kandi akwiriye gusingizwa cyane+ Mu murwa w’Imana yacu,+ ku musozi wayo wera.+   Umusozi wa Siyoni uri kure mu majyaruguru,+ Ni mwiza kubera uburebure bwawo, ni wo byishimo by’isi yose,+ Ni umurwa w’Umwami Ukomeye.+   Mu minara yawo ni ho Imana yamenyekaniye ko ari igihome kirekire.+   Dore abami barasezeranye bahurira hamwe,+ Barazana.+   Bawubonye baratangara cyane, Bahagarika umutima, bacikamo igikuba barahunga.+   Bahinda umushyitsi,+ Ugira ngo bafashwe n’ububabare nk’ubw’umugore urimo abyara.+   Umenagura amato y’i Tarushishi+ uyamenesheje umuyaga uturuka iburasirazuba.   Uko twabyumvise ni ko twabibonye+ Mu murwa wa Yehova nyir’ingabo, mu murwa w’Imana yacu.+ Imana ubwayo izawukomeza kugeza ibihe bitarondoreka.+ Sela.   Mana, twatekereje ku neza yawe yuje urukundo+ Turi mu rusengero rwawe.+ 10  Izina ryawe+ Mana n’ishimwe ryawe, Bigera ku mpera z’isi. Ukuboko kwawe kw’iburyo kuzuye gukiranuka.+ 11  Umusozi wa Siyoni+ niwishime, Imigi mito y’u Buyuda na yo yishime,+ bitewe n’imanza uca.+ 12  Nimuzenguruke Siyoni muyiheture,+ Mubare iminara yayo.+ 13  Mwerekeze imitima yanyu ku bihome byayo,+ Mugenzure iminara yayo. Kugira ngo muzabitekerereze ab’igihe kizaza,+ 14  Kuko iyi Mana ari yo Mana yacu kugeza ibihe bitarondoreka, ndetse iteka ryose.+ Ni yo izatuyobora kugeza dupfuye.+

Ibisobanuro ahagana hasi