Soma ibirimo

Jya kuri meni ya kabiri

Reba urutonde rw'ibirimo

Abahamya ba Yehova

Ikinyarwanda

Bibiliya kuri interineti | BIBILIYA-UBUHINDUZI BW'ISI NSHYA

Zaburi 2:1-12

2  Ni iki gitumye amahanga avurungana,+ Kandi ni iki gitumye amahanga akomeza kujujura, avuga ibitagira umumaro?+   Abami b’isi bashinze ibirindiro,+ N’abatware bakuru bibumbira hamwe nk’umuntu umwe,+ Kugira ngo barwanye Yehova+ n’uwo yatoranyije,+   Bavuga bati “nimuze duce ingoyi zabo+ Kandi twikureho imirunga yabo!”+   Uwicaye mu ijuru+ azabaseka, Yehova ubwe azabannyega.+   Icyo gihe azababwirana uburakari,+ Kandi uburakari bwe bwinshi buzabahagarika umutima,+   Ababwire ati “ni jye wiyimikiye umwami,+ Mwimikira kuri Siyoni+ umusozi wanjye wera.”+   Reka mvuge itegeko rya Yehova. Yarambwiye ati “uri umwana wanjye,+ Uyu munsi nabaye so.+   Nsaba+ nguhe amahanga abe umurage wawe,+ Nguhe n’impera z’isi zibe umutungo wawe.+   Uzayamenaguza inkoni y’ubwami y’icyuma,+ Uzayajanjagura nk’uko urwabya rw’ibumba rujanjagurika.”+ 10  None rero mwa bami mwe, mugire ubushishozi; Mwa bacamanza bo mu isi+ mwe, mwemere gukosorwa. 11  Mukorere Yehova mutinya,+ Kandi mwishime muhinda umushyitsi.+ 12  Nimusome uwo mwana+ kugira ngo Imana itarakara Mukarimbukira mu nzira,+ Kuko uburakari bwayo bukongezwa vuba.+ Hahirwa abayihungiraho bose.+

Ibisobanuro ahagana hasi