Soma ibirimo

Jya kuri meni ya kabiri

Reba urutonde rw'ibirimo

Abahamya ba Yehova

Ikinyarwanda

Bibiliya kuri interineti | BIBILIYA-UBUHINDUZI BW'ISI NSHYA

Zaburi 145:1-21

Zaburi ya Dawidi yo gusingiza. א [Alefu] 145  Mwami Mana yanjye, nzagushyira hejuru,+Nsingize izina ryawe kugeza ibihe bitarondoreka, ndetse iteka ryose.+ ב [Beti]   Nzagusingiza umunsi wose,+Nzasingiza izina ryawe kugeza ibihe bitarondoreka, ndetse iteka ryose.+ ג [Gimeli]   Yehova arakomeye kandi akwiriye gusingizwa cyane;+Gukomera kwe ntikurondoreka.+ ד [Daleti]   Abantu bazashima imirimo yawe uko ibihe bizagenda bikurikirana,+Kandi bazavuga ibikorwa byawe bikomeye.+ ה [He]   Nzajya ntekereza ku bwiza buhebuje bw’icyubahiro cyawe,+No ku mirimo yawe itangaje.+ ו [Wawu]   Bazavuga imbaraga z’ibintu biteye ubwoba wakoze,+Nanjye nzamamaza gukomera kwawe.+ ז [Zayini]   Bazakomeza kuvuga ukuntu ineza yawe ari nyinshi,+Gukiranuka kwawe kuzatuma barangurura ijwi ry’ibyishimo.+ ח [Heti]   Yehova agira impuhwe n’imbabazi;+Atinda kurakara kandi agira ineza nyinshi yuje urukundo.+ ט [Teti]   Yehova agirira bose neza,+Imbabazi ze ziri ku mirimo ye yose.+ י [Yodi] 10  Yehova, ibyo waremye byose bizagusingiza.+Indahemuka zawe na zo zizagusingiza.+ כ [Kafu] 11  Bazavuga ikuzo ry’ubwami bwawe,+Bazavuga iby’ububasha bwawe,+ ל [Lamedi] 12  Kugira ngo bamenyeshe abana b’abantu ibikorwa byawe bikomeye,+N’ubwiza buhebuje bw’ubwami bwawe.+ מ [Memu] 13  Ubwami bwawe ni ubwami buzahoraho iteka ryose,+N’ubutware bwawe buzahoraho uko ibihe bizagenda bikurikirana.+ ס [Sameki] 14  Yehova aramira abagwa bose,+Kandi yunamura abahetamye bose.+ ע [Ayini] 15  Ibiriho byose biguhanga amaso bifite ibyiringiro,+Kandi ubiha ibyokurya byabyo mu gihe cyabyo.+ פ [Pe] 16  Upfumbatura ikiganza cyawe+Ugahaza ibyifuzo by’ibifite ubuzima byose.+ צ [Tsade] 17  Yehova akiranuka mu nzira ze zose,+Kandi ni indahemuka mu byo akora byose.+ ק [Kofu] 18  Yehova aba hafi y’abamwambaza bose;+ Aba hafi y’abamwambaza mu kuri bose.+ ר [Reshi] 19  Azahaza ibyifuzo by’abamutinya,+Kandi azumva ijwi ryo gutabaza kwabo maze abakize.+ ש [Shini] 20  Yehova arinda abamukunda bose,+Ariko ababi bose azabarimbura.+ ת [Tawu] 21  Akanwa kanjye kazasingiza Yehova;+Ibifite umubiri byose nibisingize izina rye ryera kugeza ibihe bitarondoreka, ndetse iteka ryose.+

Ibisobanuro ahagana hasi