Soma ibirimo

Jya kuri meni ya kabiri

Reba urutonde rw'ibirimo

Abahamya ba Yehova

Ikinyarwanda

Bibiliya kuri interineti | BIBILIYA-UBUHINDUZI BW'ISI NSHYA

Zaburi 106:1-48

106  Nimusingize Yah!+Mushimire Yehova kuko ari mwiza;+ Kuko ineza ye yuje urukundo ihoraho iteka ryose.+   Ni nde wabasha kuvuga imirimo ikomeye Yehova yakoze,+Cyangwa ngo yumvikanishe ishimwe rye ryose?+   Hahirwa abakurikiza ubutabera,+Buri gihe bagakora ibyo gukiranuka.+   Yehova, unyibuke kandi unyemere nk’uko wemera ubwoko bwawe;+Unyiteho kandi unkize,+   Kugira ngo mbone ineza ugaragariza abo watoranyije,+Nishimire umunezero w’ishyanga ryawe,+ Kandi niratane n’abo wagize umurage wawe.+   Twakoze ibyaha nka ba sogokuruza;+Twarakosheje; twakoze ibibi.+   Igihe ba sogokuruza bari muri Egiputa,Ntibagize ubushishozi ngo bite ku mirimo yawe itangaje.+ Ntibibutse ko ineza yawe yuje urukundo ihebuje ari nyinshi,+Ahubwo bigometse bageze ku nyanja, ari yo Nyanja Itukura.+   Maze arabakiza ku bw’izina rye,+Kugira ngo amenyekanishe ububasha bwe.+   Acyaha Inyanja Itukura irakama;+Abanyuza imuhengeri nk’ubanyujije mu butayu.+ 10  Nuko abakiza amaboko y’uwabangaga,+Arabacungura abavana mu maboko y’umwanzi.+ 11  Amazi arengera abanzi babo,+Ntihagira n’umwe muri bo usigara.+ 12  Hanyuma bizera ijambo rye,+Batangira kuririmba bamusingiza.+ 13  Ariko bidatinze, baba bibagiwe imirimo yakoze,+Ntibategereza inama ze.+ 14  Bageze mu butayu bagira irari rishingiye ku bwikunde,+Bageragereza Imana mu butayu.+ 15  Nuko ibaha ibyo basabye,+Maze yohereza mu bugingo bwabo indwara itera kunanuka.+ 16  Batangira kugirira Mose ishyari mu nkambi,+Ndetse na Aroni uwera wa Yehova.+ 17  Nuko isi irasama imira Datani,+Kandi itwikira iteraniro rya Abiramu.+ 18  Umuriro waka mu iteraniro ryabo;+Ikirimi cy’umuriro gikongora ababi.+ 19  Byongeye kandi, bakoze ikimasa i Horebu,+Maze bunamira igishushanyo kiyagijwe.+ 20  Nuko icyubahiro cyanjye bakigurana+Igishushanyo cy’ikimasa, iki kirisha ubwatsi.+ 21  Bibagiwe Imana, ari yo Mukiza wabo+Wakoreye ibikomeye muri Egiputa,+ 22  Agakorera imirimo itangaje mu gihugu cya Hamu,+N’ibiteye ubwoba ku Nyanja Itukura.+ 23  Kandi yari agiye gutanga itegeko ryo kubarimbura,+Iyo Mose, uwo yatoranyije, Atamwitambika imbere,+Kugira ngo akumire uburakari bwe, ye kubarimbura.+ 24  Basuzuguye igihugu cyifuzwa,+Ntibizera ijambo rye.+ 25  Bakomeje kwitotombera mu mahema yabo,+Ntibumvira ijwi rya Yehova.+ 26  Nuko azamura ukuboko ararahira, avuga ibyabo+Ko azabatsinda mu butayu,+ 27  Ko azatuma urubyaro rwabo rugwa mu mahanga,+Kandi ko azabatatanyiriza mu bihugu binyuranye.+ 28  Batangira kwifatanya na Bayali y’i Pewori+No kurya ku bitambo byatambirwaga abapfuye.+ 29  Baramurakaje bitewe n’imigenzereze yabo,+Maze icyorezo kibahukamo.+ 30  Igihe Finehasi yahagurukaga akagira icyo akora,+Icyo cyorezo cyarahagaze. 31  Ibyo byatumye abarwaho gukiranukaUko ibihe byagiye bikurikirana kuzageza ibihe bitarondoreka.+ 32  Nanone bakoreye ibibyutsa uburakari ku mazi y’i Meriba,+Batuma bigendekera Mose nabi.+ 33  Kuko bateye umutima we gusharirirwa,Bigatuma atangira kuvugisha iminwa ye ibyo atatekerejeho.+ 34  Ntibarimbuye abantu bo mu mahanga ngo babatsembeho+Nk’uko Yehova yari yarabibabwiye.+ 35  Ahubwo bivanze n’ayo mahanga,+Batangira kwiga imirimo yayo,+ 36  Bakomeza gukorera ibigirwamana byayo,+Maze bibabera umutego.+ 37  Kandi batambiraga abadayimoni+Abahungu babo n’abakobwa babo.+ 38  Nuko bakomeza kumena amaraso atariho urubanza,+Amaraso y’abahungu babo n’abakobwa babo, Abo batambiraga ibigirwamana by’i Kanani;+Maze igihugu gihumanywa no kumena amaraso.+ 39  Biyandurisha ibikorwa byabo,+Bakomeza gusambana binyuze ku migenzereze yabo.+ 40  Nuko uburakari bwa Yehova bugurumanira ubwoko bwe,+Agera aho yanga abo yagize umurage we.+ 41  Ni kenshi yagiye abahana mu maboko y’amahanga,+Kugira ngo ababanga babategeke,+ 42  Abanzi babo babakandamize,Babategeke babashyire munsi y’ukuboko kwabo.+ 43  Yagiye abarokora kenshi,+Ariko bo barigomekaga, bagakomeza kugendera mu nzira yabo yo kutumvira,+Maze bagacishwa bugufi kubera amakosa yabo.+ 44  Kandi iyo yumvaga ijwi ryo gutaka kwabo binginga,+Yabonaga amakuba yabo,+ 45  Maze akibuka isezerano yagiranye na bo,+Akicuza nk’uko ineza ye yuje urukundo ihebuje ari nyinshi.+ 46  Yabahaga kugirirwa impuhweN’ababaga barabagize imbohe bose.+ 47  Yehova Mana yacu, dukize+Uduteranyirize hamwe udukuye mu mahanga,+ Kugira ngo dusingize izina ryawe ryera,+Kandi twamamaze ishimwe ryawe tunezerewe.+ 48  Yehova Imana ya Isirayeli nasingizwe,+Uhereye iteka ryose ukageza iteka ryose, Kandi abantu bose bavuge ngo Amen.+Nimusingize Yah!+

Ibisobanuro ahagana hasi