Soma ibirimo

Jya kuri meni ya kabiri

Reba urutonde rw'ibirimo

Abahamya ba Yehova

Ikinyarwanda

Bibiliya kuri interineti | BIBILIYA-UBUHINDUZI BW'ISI NSHYA

Zaburi 103:1-22

Zaburi ya Dawidi. 103  Bugingo bwanjye singiza Yehova;+Ndetse n’ibindimo byose bisingize izina rye ryera.+   Bugingo bwanjye singiza Yehova,Kandi ntiwibagirwe ibyo yakoze byose.+   Ni we ukubabarira amakosa yawe yose,+Kandi ni we ugukiza indwara zawe zose.+   Ni we ucungura ubuzima bwawe akabukura mu rwobo;+Ni we ugutamiriza ineza yuje urukundo n’imbabazi.+   Ni we uguhaza ibyiza mu buzima bwawe;+Ubuto bwawe bukomeza kwivugurura nk’ubwa kagoma.+   Yehova akora ibyo gukiranuka,+Kandi acira imanza zitabera abariganyijwe bose.+   Yamenyesheje Mose inzira ze,+Amenyesha Abisirayeli imigenzereze ye.+   Yehova ni umunyambabazi kandi agira impuhwe,+Atinda kurakara kandi afite ineza nyinshi yuje urukundo.+   Ntazahora atugaya,+Kandi ntazabika inzika kugeza iteka ryose.+ 10  Ntiyadukoreye ibihwanye n’ibyaha byacu;+Ntiyatwituye ibidukwiriye bihwanye n’amakosa yacu.+ 11  Nk’uko ijuru risumba isi,+Ni ko n’ineza yuje urukundo agaragariza abamutinya iri.+ 12  Nk’uko aho izuba rirasira hitaruye aho rirengera,+Ni ko yashyize kure yacu ibicumuro byacu.+ 13  Nk’uko se w’abana abagirira imbabazi,+Ni ko Yehova yagiriye imbabazi abamutinya.+ 14  Kuko azi neza uko turemwe,+Akibuka ko turi umukungugu.+ 15  Umuntu buntu, iminsi ye imeze nk’ibyatsi bibisi;+Nk’uko indabyo zo mu gasozi zirabya, ni ko amera.+ 16  Kuko umuyaga uzinyuramo ntizikomeze kubaho,+Aho zahoze ntihabe hakimenya ko zahigeze.+ 17  Ariko ineza yuje urukundo ya Yehova ihoraho kuva iteka ryose kugeza iteka ryose,+Iyo agaragariza abamutinya,+ No gukiranuka agaragariza abuzukuru babo,+ 18  Abakomeza isezerano rye,+N’abibuka amategeko ye kugira ngo bayasohoze.+ 19  Yehova yakomereje intebe ye y’ubwami mu ijuru,+Kandi ubwami bwe butegeka byose.+ 20  Nimusingize Yehova mwa bamarayika+ be mwe, mwebwe mufite imbaraga nyinshi kandi musohoza ijambo rye,+Mwumvira ijwi ry’ijambo rye.+ 21  Nimusingize Yehova mwa ngabo ze mwese mwe,+Mwa bakozi be mwe mukora ibyo ashaka.+ 22  Nimusingize Yehova mwa biremwa bye mwese mwe+Muri aho ategeka hose.+ Bugingo bwanjye singiza Yehova.+

Ibisobanuro ahagana hasi