Soma ibirimo

Jya kuri meni ya kabiri

Reba urutonde rw'ibirimo

Abahamya ba Yehova

Ikinyarwanda

Bibiliya kuri interineti | BIBILIYA-UBUHINDUZI BW'ISI NSHYA

Zaburi 10:1-18

ל [Lamedi] 10  Yehova, kuki ukomeza guhagarara kure?+ Kuki ukomeza kwihisha mu bihe by’amakuba?+   Kwishyira hejuru k’umuntu mubi kumutera gukurikirana imbabare yarubiye.+ Bafatwa n’ibitekerezo batekereje.+   Umuntu mubi yihimbaza abitewe n’ibyifuzo bye bishingiye ku bwikunde.+ N’ubona inyungu zishingiye ku mururumba+ arihimbaza. נ [Nuni]Yasuzuguye Yehova.+   Ubwibone bw’umuntu mubi butuma adashakashaka;+ Mu bitekerezo bye byose aba yibwira ati “nta Mana ibaho.”+   Ahora atunganirwa mu nzira ze.+ Imanza zawe ni izo mu rwego rwo hejuru, ntiyazishyikira.+ Abamurwanya bose arabannyega.+   Mu mutima we aribwira ati “sinzanyeganyezwa.+ Uko ibihe bizakurikirana, sinzahura n’ibyago.”+ פ [Pe]   Akanwa ke kuzuye indahiro zirimo imivumo n’uburiganya no gukandamiza.+ Munsi y’ururimi rwe hari ibyago no kugira nabi.+   Acira igico imidugudu; Arihisha akica utariho urubanza.+ ע [Ayini]Amaso ye ahora ashakisha umunyabyago.+   Yubikirira aho yihishe nk’intare iri mu isenga ryayo.+ Akomeza kubikira+ kugira ngo ashimute imbabare. Ashimuta imbabare, akayizingiraho urushundura rwe.+ 10  Imbabare irashenjagurwa igahetama, Kandi imbaga y’abacitse intege igwa mu nzara zikomeye z’umubi.+ 11  Mu mutima+ we aribwira ati “Imana yaribagiwe.+ Yahishe mu maso hayo.+ Ntizabibona.”+ ק [Kofu] 12  Yehova, haguruka.+ Mana, zamura ukuboko kwawe.+ Ntiwibagirwe imbabare.+ 13  Kuki ababi basuzugura Imana?+ Bibwira mu mitima yabo bati “nta cyo uzatubaza.”+ ר [Reshi] 14  Wowe ubwawe wabonye ibyago n’imibabaro. Ukomeza kubyitegereza kugira ngo ugire icyo ubikoraho.+ Ni wowe umunyabyago+ w’imfubyi* yishingikirizaho, Kandi ni wowe umufasha.+ ש [Shini] 15  Uvunagure amaboko y’ababi n’abagome.+ Ugenzure ububi bwabo ububahanire kugeza ubwo uzaba utakibubabonaho.+ 16  Yehova ni Umwami kugeza ibihe bitarondoreka, ndetse kugeza iteka ryose.+ Amahanga yararimbutse ashira mu isi ye.+ ת [Tawu] 17  Yehova, uzumva ibyifuzo by’abicisha bugufi.+ Uzategura imitima yabo.+ Uzabatega amatwi,+ 18  Kugira ngo ucire urubanza imfubyi n’ushenjaguwe,+ Maze umuntu buntu wo ku isi ye kongera kubahindisha umushyitsi.+

Ibisobanuro ahagana hasi