Soma ibirimo

Reba urutonde rw'ibirimo

Yobu 36:1-33

36  Elihu arongera aravuga ati   “Nyihanganira gato nkwerekeKo ngifite amagambo yo kuvuganira Imana.   Ndazana ubwenge bwanjye mbukuye kure,Ngaragaze ko Umuremyi wanjye akiranuka.+   Mu by’ukuri, amagambo yanjye si ibinyoma,Kandi ifite ubwenge butunganye+ iri imbere yawe.   Dore Imana ifite imbaraga+ kandi ntizatererana umuntu.Ifite ubwenge buhambaye.   Ntizemera ko umuntu mubi akomeza kubaho,+Ariko izarenganura imbabare.+   Ntizakura amaso yayo ku mukiranutsi;+Ndetse n’abami bicaye ku ntebe z’ubwami,+Izabicaza ku ntebe zabo iteka kandi bazashyirwa hejuru.   Iyo abantu baboheshejwe imihama,+Baba bafatiwe mu ngoyi z’imibabaro.   Icyo gihe izababwira ibirebana n’ibyo bakoraHamwe n’ibicumuro byabo, kubera ko bagaragaza ubwirasi. 10  Izazibura amatwi yabo ibagire inama,+Ibabwire ko bakwiriye guhindukira bakareka ibibi.+ 11  Nibumvira bakayikorera,Bazarangiriza iminsi yabo mu byiza,Barangirize imyaka yabo mu bintu bishimishije.+ 12  Ariko nibatumvira, bazakurwaho+ bahitanywe n’umwambi,+Kandi bazapfa badafite ubumenyi. 13  Abafite ubuhakanyi mu mitima yabo bazigwiriza uburakari.+Ntibazatabaza bitewe n’uko yababoshye. 14  Ubugingo bwabo buzapfa bukenyutse,+N’ubuzima bwabo burimbukane n’abagabo b’indaya bo mu rusengero.+ 15  Izakiza imbabare mu mibabaro yazo,Kandi izazibura amatwi yazo igihe zizaba zikandamizwa. 16  Nanone izakugobotora mu kanwa k’amakuba.+Ntikazaba gafunganye, ahubwo kazagira umwanya wagutse,+Kandi ihumure ryo ku meza yawe rizaba ryuzuye ibinure.+ 17  Uzanyurwa no kubona urubanza ababi bazacirwa;+Guca imanza n’ubutabera bizafatana. 18  Uramenye uburakari+ ntibuzagutere gukomanya ibiganza ubitewe n’ubugome,Kandi ntukayobywe n’incungu nyinshi.+ 19  Mbese gutabaza kwawe hari icyo kuzageraho?+ Nta cyo, ndetse no mu gihe cy’amakuba,Imihati yawe yose ikomeye nta cyo izageraho.+ 20  Ntukifuze cyane ijoro,Igihe abantu bikubura bakava aho bari. 21  Uramenye ntukishore mu bibi,+Kuko ari byo wahisemo aho kwemera kubabara.+ 22  Dore Imana ikora ibintu bihambaye ikoresheje imbaraga zayo;Ni nde mwigisha umeze nka yo? 23  Ni nde wayisaba kwisobanura ku birebana n’inzira zayo,+Kandi se ni nde wigeze ayibwira ati ‘wakoze ibyo gukiranirwa’?+ 24  Wibuke ko ugomba kurata ibikorwa byayo,+Ibyo abantu baririmbye.+ 25  Abantu bose barabyitegereje;Umuntu buntu akomeza kubirebera kure.+ 26  Dore Imana yashyizwe hejuru cyane birenze ibyo twamenya;+Umubare w’imyaka yayo nturondoreka.+ 27  Izamura ibitonyanga by’amazi,+Hanyuma bikayungururwa, bikavamo imvura itanga igihu cyayo, 28  Kugira ngo ibicu bijojobe amazi,+Bitonyangire ku bantu ari byinshi. 29  None se ni nde wasobanukirwa uko ibicu bikwira hose,No kubomborana guturuka mu nzu yayo?+ 30  Dore yashanjije hejuru yayo urumuri rwayo,+Kandi yatwikiriye imizi y’inyanja. 31  Ibyo byose ni byo ikoresha irenganura abantu,+Igatanga ibyokurya byinshi.+ 32  Yapfumbase umurabyo mu biganza byayo,Iwuteza umwanzi.+ 33  Guhinda kwayo+ kuvuga ibyayo,Amatungo na yo akavuga uje uwo ari we.

Ibisobanuro ahagana hasi