Soma ibirimo

Jya kuri meni ya kabiri

Reba urutonde rw'ibirimo

Abahamya ba Yehova

Ikinyarwanda

Bibiliya kuri interineti | BIBILIYA-UBUHINDUZI BW'ISI NSHYA

Yobu 33:1-33

33  “Ariko noneho Yobu we, ndakwinginze, umva amagambo yanjye, Kandi utege amatwi ibyo mvuga byose.   Dore ngiye kubumbura umunwa; Akanwa kanjye+ kagiye kuvuga.   Amagambo yanjye ndayavugana gukiranuka k’umutima wanjye,+ Kandi iminwa yanjye iravuga iby’ubwenge itaryarya.+   Umwuka w’Imana ni wo wandemye,+ Kandi umwuka w’Ishoborabyose ni wo wampaye ubuzima.+   Nubishobora unsubize, Utondeke amagambo yawe imbere yanjye, kandi uhagarare ushikamye.   Dore ndi kimwe nawe imbere y’Imana y’ukuri;+ Nanjye nabumbwe mu ibumba.+   Ntugire icyo utinya muri jye, Kandi amagambo yanjye ntari bukuremerere.+   Gusa numvise ibyo wavuze, Kandi nakomeje kumva amagambo yawe, aho wavuze uti   ‘Ndaboneye, nta cyaha mfite;+ Sinanduye, kandi nta kosa mfite.+ 10  Dore yabonye uburyo bwo kundwanya, Imfata nk’umwanzi wayo.+ 11  Yashyize ibirenge byanjye mu mbago;+ Igenzura intambwe zanjye zose.’+ 12  Reka ngusubize: muri ibyo ntiwavuze ukuri,+ Kuko Imana iruta kure umuntu buntu.+ 13  Kuki uyirwanya?+ Ese ni ukubera ko amagambo yawe yose itayasubiza?+ 14  Kuko Imana ivuga rimwe, Ikavuga ubugira kabiri,+ nubwo nta wubyitaho; 15  Ivugira mu nzozi,+ mu iyerekwa+ rya nijoro, Igihe abantu baba basinziriye cyane, Basinziririye mu buriri.+ 16  Ni bwo izibura amatwi y’abantu,+ Ikabagira inama igashyiraho n’ikashe yayo, 17  Kugira ngo ikebure umuntu areke ibikorwa bye,+ Kandi ikure ubwibone+ mu mugabo w’umunyambaraga. 18  Irinda ubugingo bwe ntibugwe mu rwobo,+ Ikarinda n’ubuzima bwe ntibuhitanwe n’umwambi.+ 19  Acyahwa n’ububabare yumva ari ku buriri bwe, Agahora aribwa mu magufwa ye. 20  Ubuzima bwe buzinukwa umugati,+ N’ubugingo bwe bukazinukwa ibyokurya biryoshye. 21  Umubiri we ushiraho ntiwongere kuboneka, N’amagufwa ye ataragaragaraga agasigara yanamye. 22  Ubugingo bwe bwegera rwa rwobo,+ N’ubuzima bwe bukegera abateza urupfu. 23  Ariko iyo abonye intumwa, Umuvugizi umwe mu gihumbi, Yo kumubwira uko yakora ibyo gukiranuka, 24  Iramutonesha ikavuga iti ‘Mureke ye kumanuka ngo ajye muri rwa rwobo!+ Nabonye incungu!+ 25  Reka umubiri we ugwe itoto riruta iryo mu busore bwe,+ Asubirane imbaraga zo mu minsi y’ubusore bwe.’+ 26  Azinginga Imana kugira ngo imwishimire;+ Azareba mu maso hayo arangurura ijwi ry’ibyishimo, Na yo izasubiza umuntu buntu gukiranuka kwayo. 27  Azaririmbira abantu avuge ati ‘Nakoze icyaha,+ ngoreka ibyo gukiranuka, Kandi rwose ibyo ntibyari bikwiriye. 28  Yacunguye ubugingo bwanjye kugira ngo butajya muri rwa rwobo,+ Kandi ubuzima bwanjye buzabona umucyo.’ 29  Dore ibyo byose Imana ni yo ibikora, Ikabikora incuro ebyiri, ndetse eshatu, ibikorera umugabo w’umunyambaraga, 30  Kugira ngo igarure ubugingo bwe butajya muri rwa rwobo,+ Ahubwo amurikirwe n’umucyo w’abazima.+ 31  None rero Yobu, itonde untege amatwi! Uceceke nkomeze mvuge. 32  Niba hari amagambo ushaka kuvuga, unsubize; Vuga, kuko nishimira gukiranuka kwawe. 33  Kandi niba ari nta yo, untege amatwi;+ Uceceke, nkwigishe ubwenge.”

Ibisobanuro ahagana hasi