Soma ibirimo

Jya kuri meni ya kabiri

Reba urutonde rw'ibirimo

Abahamya ba Yehova

Ikinyarwanda

Bibiliya kuri interineti | BIBILIYA-UBUHINDUZI BW'ISI NSHYA

Yobu 21:1-34

21  Nuko Yobu arasubiza ati   “Mutege amatwi amagambo yanjye mwitonze,Ni bwo muri bube mumpumurije.   Munyihanganire nanjye mvuge,Maze nimara kuvuga buri wese abone kunseka.+   Ese umuntu ni we ntura ibimpangayikishije?None se ni iki cyatuma umutima wanjye utihangana?   Nimuhindukire mundebe, munyitegereze mutangaye,Hanyuma mwipfuke umunwa.+   Iyo nibutse ibyambayeho mpagarika umutima,N’umubiri wanjye ugahinda umushyitsi.   Kuki abantu babi bakomeza kubaho,+Bakisazira kandi bakagira ubutunzi bwinshi?+   Urubyaro rwabo rukomerana na bo barureba,N’ababakomokaho bagakomerera imbere yabo.   Amazu yabo ni amahoro masa, nta giteye ubwoba kiyageraho,+N’inkoni y’Imana ntibariho. 10  Ibimasa byabo birimya kandi intanga zabyo ntizipfa ubusa;Inka zabo zibyara neza,+ ntiziramburura. 11  Bakomeza kohereza abana babo nk’umukumbi,Kandi abana babo bakomeza gukina basimbuka. 12  Bakomeza kurangurura ijwi bavuza ishako n’inanga,+Bagakomeza kwishima bumva ijwi ry’umwironge. 13  Iminsi yabo yose bayimara bari mu bihe byiza,+Maze mu kanya gato bakamanuka bajya mu mva. 14  Babwira Imana y’ukuri bati ‘tubise!+Ntitwigeze tunezezwa no kumenya inzira zawe.+ 15  Ishoborabyose ni iki ku buryo twayikorera,+Kandi se kuba twaragiranye na yo imishyikirano bitumariye iki?’+ 16  Kugubwa neza kwabo ntibishingiye ku bushobozi bwabo.+Umugambi w’ababi wagumye kure yanjye.+ 17  Ni kangahe itara ry’ababi rijya rizima,+Kandi se ni kangahe bagwirirwa n’ibyago? Ni kangahe ibarakarira ikabarimbura?+ 18  Mbese bamera nk’ibyatsi bihuhwa n’umuyaga,+Bakamera nk’umurama utumurwa n’inkubi y’umuyaga? 19  Ibibi by’umuntu Imana ubwayo izabibikira abana be;+Izabimwitura kugira ngo abimenye.+ 20  Amaso ye azabona kuzahara kwe,Kandi azanywa ku mujinya w’Ishoborabyose.+ 21  Ni iki kizamushimisha mu nzu ye atakiriho,Kandi umubare w’amezi ye uzaba ugabanyijwemo kabiri?+ 22  Mbese azigisha Imana ubwenge,+Kandi ari yo icira urubanza abakomeye?+ 23  Azapfa agifite ibimuhagije byinshi,+Adafite imihangayiko kandi aguwe neza, 24  Mu gihe ikibero cye kizaba cyuzuye urugimbu,N’umusokoro wo mu magufwa ye ugitohagiye. 25  Undi we azapfa ubugingo bwe bwarashaririwe,Apfe atariye ku byiza.+ 26  Bombi bazaryama hamwe mu mukungugu,+Kandi inyo zizaborosa.+ 27  Nzi neza ibyo mutekereza,N’imigambi mucura mushaka kungirira nabi.+ 28  Kuko muvuga muti ‘inzu y’umunyacyubahiro iri he,N’amahema y’abagome ari he?’+ 29  Mbese ntimwabajije abanyura mu mihanda?Ese ntimwagenzuye neza ibimenyetso byabo, 30  Mukabona ko umuntu mubi akira ku munsi w’ibyago,+Akarokorwa ku munsi w’umujinya? 31  Ni nde uzamumenyesha inzira ye amuri imbere?+Kandi se ni nde uzamwitura ibyo yakoze?+ 32  Bazamujyana mu irimbi,+Kandi umurinzi azakomeza kurinda imva ye. 33  Ibinonko byo mu kibaya bizamuryohera,+Kandi azakururira abantu bose inyuma ye,+ N’abari imbere ye ntibagira ingano. 34  Mbega ngo murarushywa n’ubusa mugerageza kumpumuriza!+Kandi se mbega ukuntu ibisubizo byanyu ari ubuhemu gusa!”

Ibisobanuro ahagana hasi