Soma ibirimo

Jya kuri meni ya kabiri

Reba urutonde rw'ibirimo

Abahamya ba Yehova

Ikinyarwanda

Bibiliya kuri interineti | BIBILIYA-UBUHINDUZI BW'ISI NSHYA

Yobu 19:1-29

19  Nuko Yobu arasubiza ati   “Muzakomeza kubabaza ubugingo bwanjye kugeza ryari?+ Muzahereza he kumvunaguza amagambo yanyu?+   Dore bubaye ubwa cumi muncyaha; Kandi ntimuterwa isoni no kungirira nabi.+   Niba naranakosheje,+ Icyaha cyanjye ni jye kiriho.   Niba mushaka kunyiyemeraho,+ Mugaragaza ko umugayo wanjye ufite ishingiro,+   Mumenye ko Imana ari yo yanyobeje, Ikamfungira mu rushundura ihigisha.+   Dore nkomeza gutaka mvuga nti ‘urugomo we!,’ ariko nta wunyumva;+ Nkomeza gutabaza, ariko nta butabera buriho.+   Inzira yanjye yayifungishije urukuta rw’amabuye,+ none sinshobora gutambuka; Imihanda nyuramo iyishyiramo umwijima.+   Yanyambuye icyubahiro cyanjye,+ Inkura ikamba ku mutwe. 10  Yaranshenye hose hose, none ndagiye; Yaranduye ibyiringiro byanjye nk’urandura igiti. 11  Nanone yankongereje uburakari bwayo,+ Ikomeza kumfata nk’umwanzi wayo. 12  Ingabo zayo ziza zishyize hamwe zigatinda inzira zinyuramo zintera,+ Zigakambika zigose ihema ryanjye. 13  Abavandimwe banjye yabashyize kure yanjye,+ N’abari banzi baranyitaruye. 14  Inkoramutima zanjye ntizigihari,+ Kandi abo nari nzi baranyibagiwe. 15  Abacumbitse mu nzu yanjye+ n’abaja banjye bamfata nk’umunyamahanga; Nababereye nk’umuntu batigeze kumenya rwose. 16  Nahamagaye umugaragu wanjye ariko ntiyanyitaba, Nkomeza kumwingingisha akanwa kanjye ngo angirire impuhwe. 17  Umwuka wanjye usigaye utera iseseme umugore wanjye,+ Kandi nsigaye nukira bene mama. 18  Abana bato na bo baranyanze;+ Mfa guhaguruka gusa, bagatangira kumvuga nabi. 19  Abo mu nkoramutima zanjye bose baranyanga,+ Kandi abo nakundaga banteye umugongo.+ 20  Uruhu rwanjye n’umubiri wanjye byumiye ku magufwa yanjye;+ Ndokoka ku kaburembe. 21  Mwa ncuti zanjye mwe, nimungirire impuhwe, rwose mungirire impuhwe,+ Kuko ukuboko kw’Imana kwankozeho.+ 22  Kuki mukomeza kuntoteza nk’uko Imana intoteza,+ Ntimuhage inyama zanjye? 23  Icyampa ubu amagambo yanjye akandikwa! Icyampa akandikwa mu gitabo! 24  Akandikishwa ikaramu y’icyuma+ n’icyuma cy’isasu, Agakebwa ubudasibangana ku rutare! 25  Nzi neza ko umucunguzi wanjye+ ariho; Nzi ko azaza inyuma yanjye, agahagarara+ ku mukungugu. 26  Nibamara kunkuraho uruhu rwanjye, bizamera bitya; Nubwo umubiri wanjye uzaba washizeho, nzareba Imana. 27  Jye ubwanjye nzayirebera,+ Amaso yanjye azayibona, atari undi w’ahandi. Impyiko zanjye zanegekariyemo. 28  Kuko muvuga muti ‘kuki dukomeza kumutoteza?’+ Ko umuzi w’ikibazo wabonetse muri jye. 29  Muterwe ubwoba n’inkota,+ Kuko inkota ibanguriwe abakora ibyaha, Kugira ngo mumenye ko hariho umucamanza.”+

Ibisobanuro ahagana hasi