Soma ibirimo

Jya kuri meni ya kabiri

Reba urutonde rw'ibirimo

Abahamya ba Yehova

Ikinyarwanda

Bibiliya kuri interineti | BIBILIYA-UBUHINDUZI BW'ISI NSHYA

Yobu 16:1-22

16  Nuko Yobu arasubiza ati   “Numvise byinshi nk’ibyo. Mwese muri abahumuriza barushya!+   Mbese amagambo y’imfabusa ntarangira?+ Cyangwa hari ikikubabaje ku buryo wasubiza?   Nanjye nashoboraga kuvuga nkamwe. Mbese iyo muza kuba mumeze nk’uko meze uku, Nari kubabwira amagambo akomeye yo kubanegura,+ Nkabazunguriza umutwe?+   Nari kubakomeresha amagambo yo mu kanwa kanjye,+ Kandi iminwa yanjye ntireke kubahumuriza . . .   Nubwo navuga, si byo byagabanya ububabare bwanjye,+ Kandi se ndetse kuvuga, byanyoroherezaho iki?   Ariko noneho yarananije;+ Abo twateraniraga hamwe bose yarabazahaje.   Nanone waramfashe, kandi ibyo ni byo binshinja,+ Kunanuka kwanjye kwarampagurukiye; ni ko gushinja mu maso hanjye.   Uburakari bwayo bwaranshwanyaguje, kandi inyanga urunuka.+ Ndetse impekenyera amenyo.+ Umwanzi wanjye andeba ikijisho.+ 10  Baranyasamiye,+ Bankubitisha ibitutsi ku matama, Banteraniraho ari benshi.+ 11  Imana yampanye mu maboko y’abana bato, Injugunya mu maboko y’abagome.+ 12  Nari nguwe neza ariko irampungabanya,+ Imfata ku gakanu iranjanjagura, Iranyibasira. 13  Abarashi+ bayo barangose; Insatura impyiko+ kandi ntiyangirira impuhwe, Isuka hasi ibyo mu gasabo k’indurwe kanjye. 14  Ikomeza kuncamo ibyuho yungikanya; Inyirukaho nk’umunyambaraga.+ 15  Nidodeyeho ikigunira,+ Ihembe ryanjye ndishinga mu mukungugu.+ 16  Amaso yanjye yatukujwe no kurira,+ Kandi umwijima w’icuraburindi utwikiriye ibigohe byanjye,+ 17  Nubwo ibiganza byanjye bitarimo urugomo, N’isengesho ryanjye rikaba riboneye.+ 18  Wa si we, we gutwikira amaraso yanjye!+ Kandi ijwi ryo gutaka kwanjye ntiribone aho riruhukira! 19  Dore n’ubu mu ijuru hari uhamya ibyanjye; Umuhamya wanjye ari hejuru.+ 20  Incuti zanjye ni abavugizi bavuga ibyo kundwanya;+ Amaso yanjye nkomeje kuyahanga Imana nta gusinzira.+ 21  Kandi umwanzuro ugomba gufatwa hagati y’umunyambaraga n’Imana, Nk’uko bigenda hagati y’umwana w’umuntu na mugenzi we.+ 22  Hasigaye imyaka mike, Maze nkagenda nyuze mu nzira ntazagarukamo ukundi.+

Ibisobanuro ahagana hasi