Soma ibirimo

Jya kuri meni ya kabiri

Reba urutonde rw'ibirimo

Abahamya ba Yehova

Ikinyarwanda

Bibiliya kuri interineti | BIBILIYA-UBUHINDUZI BW'ISI NSHYA

Gutegeka kwa Kabiri 34:1-12

34  Nuko Mose ava mu bibaya byo mu butayu bw’i Mowabu, azamuka umusozi wa Nebo+ agera mu mpinga ya Pisiga,+ ahateganye n’i Yeriko.+ Yehova amwereka igihugu cyose kuva i Gileyadi kugera i Dani,+  igihugu cya Nafutali cyose n’igihugu cya Efurayimu n’icya Manase, n’igihugu cyose cya Yuda kugera ku nyanja y’iburengerazuba,+  amwereka n’i Negebu+ n’akarere ka Yorodani+ n’ibibaya by’i Yeriko, n’umugi w’ibiti by’imikindo+ kugeza i Sowari.+  Yehova aramubwira ati “iki ni cyo gihugu narahiye Aburahamu, Isaka na Yakobo nti ‘nzagiha urubyaro rwawe.’+ Nakikweretse ngo ukirebeshe amaso kuko utazambuka ngo ukijyemo.”+  Hanyuma Mose umugaragu wa Yehova+ apfira aho mu gihugu cy’i Mowabu nk’uko Yehova yabitegetse.+  Amuhamba mu kibaya cyo mu gihugu cy’i Mowabu ahateganye n’i Beti-Pewori,+ kandi kugeza n’uyu munsi nta wuzi aho imva ye iri.+  Mose yapfuye afite imyaka ijana na makumyabiri.+ Yari agifite imbaraga+ kandi amaso ye yari akiri mazima.+  Abisirayeli bamara iminsi mirongo itatu baririra Mose mu bibaya byo mu butayu bw’i Mowabu.+ Amaherezo igihe cyo kuririra Mose kirarangira.  Yosuwa mwene Nuni yari yuzuye umwuka w’ubwenge,+ kubera ko Mose yari yaramurambitseho ibiganza.+ Nuko Abisirayeli batangira kumwumvira, bagakora ibyo Yehova yari yarategetse Mose.+ 10  Kugeza icyo gihe, muri Isirayeli ntihari harigeze kubaho umuhanuzi umeze nka Mose,+ uwo Yehova yari azi imbonankubone,+ 11  ku birebana n’ibimenyetso byose n’ibitangaza Yehova yamutumye gukorera mu gihugu cya Egiputa, akabikorera Farawo n’abagaragu be bose n’igihugu cye cyose,+ 12  hamwe n’ukuboko gukomeye n’imbaraga zikomeye kandi ziteye ubwoba yagaragarije imbere y’Abisirayeli bose.+

Ibisobanuro ahagana hasi