Soma ibirimo

Jya kuri meni ya kabiri

Reba urutonde rw'ibirimo

Abahamya ba Yehova

Ikinyarwanda

Bibiliya kuri interineti | BIBILIYA-UBUHINDUZI BW'ISI NSHYA

Gutegeka kwa Kabiri 24:1-22

24  “Umugabo nashaka umugore akamurongora, hanyuma ntamwishimire kubera ko yamubonyeho ikintu kidakwiriye,+ azamwandikire icyemezo cy’ubutane+ akimuhe, amwirukane iwe.+  Azave iwe agende ashake undi mugabo.+  Uwo mugabo wundi namwanga, akamwandikira icyemezo cy’ubutane akakimuha akamwirukana iwe, cyangwa uwo mugabo wamushatse agapfa,  umugabo wamushatse mbere akamwirukana, ntazemererwa kongera kumugira umugore kuko azaba yarahumanyijwe.+ Icyo ni ikizira imbere ya Yehova. Ntuzatume igihugu Yehova Imana yawe agiye kuguha ho gakondo cyishora mu cyaha.  “Umugabo urongoye vuba+ ntazajye ku rugamba cyangwa ngo agire ikindi ategekwa gukora. Azasonerwe agume iwe umwaka wose kugira ngo ashimishe umugore yashatse.+  “Ntihazagire ufata urusyo cyangwa ingasire ho ingwate,+ kuko yaba afashe ingwate y’ubugingo bwa mugenzi we.  “Nihagira umuntu ufatwa ashimuta+ umuvandimwe we w’Umwisirayeli, akaba yamugiriye nabi yarangiza akamugurisha,+ uwo mushimusi azicwe. Uko azabe ari ko ukura ikibi muri mwe.+  “Uzabe maso ku birebana n’indwara y’ibibembe,+ ukurikize ibyo abatambyi b’Abalewi bazababwira byose.+ Muzakurikize ibyo nategetse abatambyi byose.+  Mujye mwibuka ibyo Yehova Imana yanyu yakoreye Miriyamu igihe mwari mu nzira muva muri Egiputa.+ 10  “Nuguriza mugenzi wawe ikintu icyo ari cyo cyose,+ ntuzinjire mu nzu ye ngo umutware icyo yaguhaye ho ingwate.+ 11  Uzahagarare hanze, uwo wagurije agusangishe iyo ngwate hanze. 12  Niba uwo muntu yaragwiririwe n’amakuba, ntuzararane ingwate ye.+ 13  Uzamusubize iyo ngwate izuba rikimara kurenga,+ kugira ngo aryame mu mwenda we+ maze agusabire umugisha.+ Uzaba ukiranutse imbere ya Yehova Imana yawe.+ 14  “Ntuzariganye umukozi ukorera ibihembo ufite ibibazo kandi w’umukene, yaba ari umwe mu bavandimwe bawe cyangwa ari umwe mu bimukira bari mu gihugu cyanyu, mu mugi wanyu.+ 15  Ujye umuha ibihembo bye uwo munsi.+ Izuba ntirikarenge utaramuha ibihembo bye, kuko afite ibibazo kandi akaba ategereje ibihembo bye; adatakira Yehova akurega,+ bikakubera icyaha.+ 16  “Se w’abana ntakicwe azira abana be, kandi abana ntibakicwe bazira ba se.+ Umuntu wese ajye yicwa azira icyaha cye.+ 17  “Ntukagoreke urubanza rw’umwimukira+ cyangwa urw’imfubyi,+ kandi ntugafate umwambaro w’umupfakazi ho ingwate.+ 18  Ujye wibuka ko wabaye umucakara muri Egiputa, Yehova Imana yawe akagucungura akagukurayo.+ Ni cyo gituma ngutegeka gukora ibyo byose. 19  “Nusarura imyaka yo mu murima wawe,+ ukibagirirwa umuba mu murima wawe, ntuzasubire inyuma ngo uwutore. Uzawusigire umwimukira, imfubyi n’umupfakazi,+ kugira ngo Yehova Imana yawe aguhe umugisha mu byo ukora byose.+ 20  “Nukubita umwelayo wawe kugira ngo uhanure imbuto zawo, ntugasubire mu mashami yawo. Uzazisigire umwimukira, imfubyi n’umupfakazi.+ 21  “Nusarura inzabibu zo mu ruzabibu rwawe, ntuzasubire inyuma ngo uhumbe izasigaye mu murima. Uzazisigire umwimukira, imfubyi n’umupfakazi. 22  Ujye wibuka ko wabaye umucakara muri Egiputa.+ Ni cyo gituma ngutegeka gukora ibyo byose.+

Ibisobanuro ahagana hasi