Soma ibirimo

Jya kuri meni ya kabiri

Reba urutonde rw'ibirimo

Abahamya ba Yehova

Ikinyarwanda

Bibiliya kuri interineti | BIBILIYA-UBUHINDUZI BW'ISI NSHYA

Daniyeli 11:1-45

11  “Mu mwaka wa mbere w’ingoma ya Dariyo w’Umumedi,+ narahagurutse kugira ngo mukomeze kandi mubere nk’igihome.  Ubu rero, ngiye kukubwira ukuri:+ “Dore hazima abandi bami batatu mu Buperesi+ kandi uwa kane+ azigwizaho ubutunzi bwinshi kurusha abandi bose.+ Namara gukomezwa n’ubutunzi bwe, azahagurukana byose atere ubwami bw’u Bugiriki.+  “Hazima umwami ukomeye ategeke afite ububasha bwinshi,+ kandi akore ibyo yishakiye.+  Namara gukomera cyane,+ ubwami bwe buzasenyuka bwicemo ibice bwerekeye mu byerekezo bine by’umuyaga+ wo mu kirere,+ ariko ntibuzazungurwa n’abo mu rubyaro rwe+ kandi ntibuzagira ububasha nk’ubwo yari afite, kuko ubwami bwe buzarandurwa, bukigarurirwa n’abandi batari abo mu rubyaro rwe.  “Umwe mu batware be, ni ukuvuga umwami wo mu majyepfo, azakomera, ariko undi azamuganza ategeke afite ububasha bwinshi kurusha ubwe.  “Nihashira imyaka runaka baziyunga, kandi kugira ngo bagirane amasezerano, umukobwa w’umwami wo mu majyepfo azasanga umwami wo mu majyaruguru. Ariko uwo mukobwa ntazagumana imbaraga z’amaboko ye,+ kandi umwami wo mu majyepfo ntazahagarara ashikamye, n’amaboko ye ntazakomera. Uwo mukobwa azahanwa mu maboko y’abandi, we n’abamuzanye n’uwamubyaye, n’uwamukomezaga icyo gihe.  Icyakora umwe mu bazashibuka+ ku mizi ye azahaguruka ahagarare mu mwanya we,* kandi azasanga ingabo agabe igitero ku gihome cy’umwami wo mu majyaruguru. Ni koko, azabarwanya kandi azabatsinda.  Azaza muri Egiputa azanye imana zabo+ n’ibishushanyo byabo biyagijwe n’ibintu byabo byiza by’ifeza na zahabu, azane n’imbohe. Azamara imyaka runaka yitaruye umwami wo mu majyaruguru.  “Azaza mu bwami bw’umwami wo mu majyepfo hanyuma asubire mu gihugu cye. 10  “Abahungu be bazitegura maze bakoranye ingabo nyinshi. Naza, azaza asandare nk’umwuzure, maze yambukiranye igihugu. Ariko azagaruka, agende arwana inzira yose agere ku gihome cye. 11  “Umwami wo mu majyepfo azabisha, maze agende arwane n’umwami wo mu majyaruguru; uwo mwami na we azahagurutsa ingabo nyinshi, ariko izo ngabo zizahanwa mu maboko y’uwo mwami wundi.+ 12  Izo ngabo zizajyanwa. Umutima we uzishyira hejuru,+ kandi azarimbura ibihumbi n’ibihumbi, ariko ntazakomereza aho ngo aneshe burundu. 13  “Umwami wo mu majyaruguru azagaruka, akoranye ingabo nyinshi ziruta iza mbere. Nyuma y’igihe, ni ukuvuga nyuma y’imyaka runaka, azaza azanye ingabo nyinshi+ n’ibintu byinshi cyane.+ 14  Muri icyo gihe, hari benshi bazahagurukira kurwanya umwami wo mu majyepfo. “Abanyarugomo bo mu bwoko bwawe bazahaguruka bagerageze gutuma iyerekwa risohora,+ ariko nta cyo bazageraho.+ 15  “Umwami wo mu majyaruguru azaza arunde ikirundo cyo kuririraho+ maze yigarurire umugi ugoswe n’inkuta. Amaboko y’umwami wo mu majyepfo ntazabasha kumukumira, yemwe n’ingabo ze z’indobanure ntizizabibasha; ntibazagira imbaraga zo kumuhagarara imbere. 16  Uwo uzaza kurwanya umwami wo mu majyepfo azakora ibyo yishakiye, kandi nta wuzamuhagarara imbere. Azahagarara mu Gihugu Cyiza+ kandi azaba afite kurimbura mu kuboko kwe.+ 17  Azaza amaramaje,+ azane n’imbaraga z’ubwami bwe bwose, hanyuma yumvikane na we,+ kandi azasohoza ibyo yagambiriye.+ Ku birebana n’umukobwa, azahabwa uburenganzira bwo kumurimbura. Uwo mukobwa ntazashikama, kandi ntazakomeza kuba uwe.+ 18  Uwo mwami azahindukirana ibihugu byo ku nkombe z’inyanja,+ kandi azigarurira benshi. Hazaza umugaba w’ingabo akureho igitutsi cy’umwami wo mu majyaruguru, ku buryo icyo gitutsi kitazongera kubaho. Azatuma icyo gitutsi kigaruka uwo mwami. 19  Azahindukira asubire mu bihome byo mu gihugu cye, ariko azasitara agwe kandi ntazongera kuboneka.+ 20  “Mu cyimbo cye hazima undi mwami+ uzohereza umukoresha w’ikoro+ mu bwami bwiza, ariko nyuma y’iminsi mike azarimburwa, atazize uburakari cyangwa intambara. 21  “Mu cyimbo cye hazima undi mwami w’insuzugurwa,+ kandi ntibazamuha icyubahiro cy’ubwami. Azaza mu gihe abantu bazaba badamaraye,+ yigarurire ubwami akoresheje uburyarya.+ 22  Azanesha ingabo+ zisandaye nk’umwuzure zirimbuke nk’izitembanywe n’umwuzure,+ nk’uko bizagendekera+ Umuyobozi+ w’isezerano.+ 23  Kubera ko bazaba biyunze na we, azakomeza gukora iby’uburiganya maze ashyirwe hejuru, kandi azakomezwa n’ishyanga rito.+ 24  Igihe abantu bazaba badamaraye,+ azinjira mu karere gakungahaye cyane kurusha utundi two mu ntara, maze akore ibyo ba se na ba sekuruza batakoze. Azabagabanya ibyo yanyaze n’ibyo yasahuye hamwe n’ibindi bintu, kandi azacura imigambi yo gutera ahagoswe n’inkuta,+ ariko bizamara igihe gito. 25  “Azakangurira imbaraga ze n’umutima we gutera umwami wo mu majyepfo, amutere afite ingabo nyinshi. Ariko umwami wo mu majyepfo azitegura iyo ntambara afite ingabo nyinshi cyane kandi zikomeye. Uwo mwami wo mu majyaruguru ntazashikama kuko bazamucurira imigambi mibisha. 26  Abarya ibyokurya bye biryoshye ni bo bazamurimbuza. “Ingabo ze zizamera nk’izitembanwe n’umwuzure, kandi benshi bazicwa. 27  “Abo bami bombi bazagambirira mu mitima yabo gukora ibibi, kandi bazicara ku meza amwe+ bakomeze kubwirana ibinyoma.+ Ariko nta cyo bazageraho,+ kuko iherezo rifite igihe cyaryo cyagenwe.+ 28  “Azasubira mu gihugu cye afite ibintu byinshi, kandi umutima we uzarwanya isezerano ryera.+ Azasohoza ibyo yagambiriye+ maze asubire mu gihugu cye. 29  “Azagaruka mu gihe cyagenwe,+ atere umwami wo mu majyepfo;+ icyakora ntibizagenda nk’uko byagenze mbere. 30  Amato y’i Kitimu+ azamutera, maze acike intege. “Azagaruka avuga amagambo akomeye yo kwamagana+ isezerano ryera+ kandi azasohoza ibyo yagambiriye. Azagaruka yite ku baretse isezerano ryera. 31  Amaboko amukomotseho azahaguruka kandi azahumanya urusengero,+ ari cyo gihome, akureho n’igitambo gihoraho.+ “Ndetse azashyiraho igiteye ishozi+ kirimbura.+ 32  “Abakora ibibi bakica isezerano+ azabashora mu buhakanyi+ akoresheje amagambo y’uburyarya.+ Ariko abantu bazi Imana yabo+ bazatsinda+ kandi basohoze ibyo bagambiriye. 33  Abafite ubushishozi+ mu bantu bazungura benshi ubwenge.+ Bazamara iminsi runaka bagushwa n’inkota n’umuriro no kujyanwa mu bunyage no gusahurwa.+ 34  Ariko nibagwa, bazafashwa ho gato,+ kandi abenshi bazifatanya na bo babaryarya.+ 35  Bamwe mu bafite ubushishozi bazagwa,+ kugira ngo hakorwe umurimo wo kubacenshura no kubasukura no kubeza+ kugeza ku mperuka,+ kuko ari iy’igihe cyagenwe.+ 36  “Uwo mwami azakora ibyo yishakiye, maze yikuze kandi yishyire hejuru y’izindi mana zose,+ ndetse azavuga amagambo atangaje yo gutuka Imana isumba izindi.+ Azasohoza ibyo yagambiriye, kugeza aho uburakari buzashirira;+ kuko ibyemejwe bigomba gukorwa. 37  Ntazita ku Mana ya ba se kandi ntazita ku byifuzo by’abagore cyangwa iby’imana iyo ari yo yose, ahubwo azikuza yishyire hejuru ya bose.+ 38  Mu gihe azaba ari umwami, azaha icyubahiro imana y’ibihome. Kandi imana ba se batigeze kumenya azayubahisha zahabu n’ifeza n’amabuye y’agaciro n’ibintu byiza cyane. 39  Azarwanya ibihome bigoswe n’inkuta zikomeye cyane, abitsinde yishingikirije ku mana y’inzaduka. Abazamwemera bose azabahundagazaho icyubahiro, abahe gutegeka abantu benshi. Azabagabanya igihugu bamuhaye ikiguzi. 40  “Mu gihe cy’imperuka umwami wo mu majyepfo+ azashyamirana na we, maze umwami wo mu majyaruguru amutere afite amagare y’intambara n’amafarashi n’amato menshi. Azinjira mu bihugu abisandaremo nk’umwuzure, maze abyambukiranye. 41  Nanone azinjira+ mu Gihugu Cyiza,+ kandi ibihugu byinshi bizagwa.+ Ariko ibi ni byo bihugu bizamurokoka: Edomu, Mowabu+ n’igice cy’ingenzi cy’Abamoni. 42  Azakomeza kubangurira ukuboko kwe ibihugu byinshi, kandi igihugu cya Egiputa+ na cyo ntikizamurokoka. 43  Azategeka ubutunzi buhishwe bwa zahabu n’ifeza n’ibindi bintu byiza byose byo muri Egiputa. Abanyalibiya n’Abanyetiyopiya bazamukurikira. 44  “Ariko hazaza inkuru ziturutse iburasirazuba+ no mu majyaruguru zimuhagarike umutima,+ kandi azagenda arakaye cyane kugira ngo arimbure benshi, abatsembeho.+ 45  Azashinga amahema ye y’akataraboneka hagati y’inyanja nini n’umusozi wera ufite ubwiza buhebuje.+ Azagenda agana ku iherezo rye,+ kandi nta wuzamutabara.+

Ibisobanuro ahagana hasi