Soma ibirimo

Jya kuri meni ya kabiri

Reba urutonde rw'ibirimo

Abahamya ba Yehova

Ikinyarwanda

Bibiliya kuri interineti | BIBILIYA-UBUHINDUZI BW'ISI NSHYA

2 Timoteyo 4:1-22

4  Ndagutegeka nkwihanangiriza imbere y’Imana na Kristo Yesu ugomba kuzacira urubanza+ abazima n’abapfuye+ binyuze ku kuboneka kwe+ no ku bwami bwe,+  ngo ubwirize ijambo,+ ubikore uzirikana ko ibintu byihutirwa, haba mu gihe cyiza+ no mu gihe kigoye,+ ucyahe,+ uhane, utange inama, ufite kwihangana kose+ n’ubuhanga bwose bwo kwigisha.  Hari igihe abantu batazihanganira inyigisho nzima,+ ahubwo bahuje n’irari ryabo, bazigwiriza abigisha bababwira ibyo amatwi yabo yifuza kumva,+  kandi baziziba amatwi kugira ngo batumva ukuri kandi bayobe bahindukirire imigani y’ibinyoma.+  Ariko wowe ukomeze kugira ubwenge muri byose,+ wemere kugirirwa nabi,+ ukore umurimo w’umubwirizabutumwa,+ usohoze umurimo wawe mu buryo bwuzuye.+  Ubu ndasukwa nk’ituro ry’ibyokunywa,+ kandi igihe cyanjye gikwiriye cyo kubohorwa+ kiregereje.  Narwanye intambara nziza,+ narangije isiganwa,+ nakomeje ibyo kwizera.+  Guhera ubu, mbikiwe ikamba ryo gukiranuka,+ iryo Umwami akaba n’umucamanza ukiranuka+ azampa ho ingororano+ kuri urya munsi,+ ariko si jye jyenyine, ahubwo n’abandi bose bakunze kuboneka kwe bazarihabwa.  Ukore uko ushoboye kose ungereho bidatinze,+ 10  kuko Dema+ yantaye bitewe n’uko yakunze iyi si+ akigira i Tesalonike; Kirisensi yagiye i Galatiya,+ naho Tito ajya i Dalumatiya. 11  Luka wenyine ni we turi kumwe. Uzazane na Mariko kuko angirira umumaro+ mu murimo. 12  Ariko Tukiko+ namwohereje muri Efeso. 13  Nuza, uzanzanire umwenda nasize i Tirowa+ kwa Karupo, hamwe n’imizingo, cyane cyane iy’impu. 14  Alegizanderi,+ umucuzi w’imiringa, yankoreye ibibi byinshi. Yehova azamwitura ibihwanye n’ibyo yakoze.+ 15  Kandi nawe ujye umwirinda kuko yarwanyije bikabije amagambo yacu. 16  Igihe naburanaga ubwa mbere nta waje kunshyigikira, ahubwo bose barantereranye;+ icyakora ntibizababarweho.+ 17  Ariko Umwami yambaye hafi+ anshyiramo imbaraga+ kugira ngo binyuze kuri jye, umurimo wo kubwiriza ubutumwa bwiza usohozwe mu buryo bwuzuye kandi amahanga yose abwumve,+ kandi nakijijwe akanwa k’intare.+ 18  Umwami azankiza ibibi byose,+ kandi azandokora anjyane mu bwami bwe bwo mu ijuru.+ Nahabwe ikuzo iteka ryose. Amen. 19  Muntahirize Purisikila+ na Akwila n’abo kwa Onesiforo.+ 20  Erasito+ yagumye i Korinto,+ ariko Tirofimo+ we namusize i Mileto+ arwaye. 21  Ukore uko ushoboye kose ungereho amezi y’imbeho ataratangira. Ewubulo aragutashya, kandi Pudensi na Lino na Kalawudiya n’abavandimwe bose na bo baragutashya. 22  Umwami abane n’umwuka ugaragaza.+ Ubuntu bwe butagereranywa bubane namwe mwese.

Ibisobanuro ahagana hasi