Soma ibirimo

Jya kuri meni ya kabiri

Reba urutonde rw'ibirimo

Abahamya ba Yehova

Ikinyarwanda

Bibiliya kuri interineti | BIBILIYA-UBUHINDUZI BW'ISI NSHYA

2 Samweli 22:1-51

22  Nuko Dawidi abwira Yehova amagambo y’iyi ndirimbo+ igihe Yehova yamukizaga akamukura mu maboko y’abanzi be bose+ n’aya Sawuli;+  aravuga ati “Yehova ni igitare+ cyanjye n’igihome+ cyanjye, kandi ni we Mukiza wanjye.+   Imana yanjye ni igitare cyanjye;+ nzajya nyihungiraho. Ni ingabo inkingira+ n’ihembe+ ry’agakiza kanjye, ikaba n’igihome kirekire kinkingira.+ Ni yo buhungiro+ bwanjye n’Umukiza wanjye;+ ni wowe unkiza urugomo.+   Nzambaza Yehova kuko ari we ukwiriye gusingizwa,+ Kandi azankiza abanzi banjye.+   Kuko nagoswe n’imiraba imenagura kandi yica,+ Imyuzure y’abantu batagira umumaro yanteraga ubwoba.+   Ingoyi z’imva* zarangose,+ Imitego y’urupfu iranyugariza.+   Mu byago byanjye nakomeje gutakambira Yehova,+ Nkomeza gutakambira Imana yanjye.+ Nuko yumva ijwi ryanjye iri mu rusengero rwayo;+ Narayitakiye iranyumva.+   Nuko isi itangira kunyeganyega no gutigita,+ Imfatiro z’ijuru zirahungabana,+ Zikomeza kunyeganyega, kubera ko Imana yari yarakaye.+   Mu mazuru yayo havamo umwotsi, no mu kanwa kayo havamo umuriro ukongora;+ Amakara agurumana ayiturukaho.+ 10  Yitsa ijuru maze iramanuka,+ Kandi umwijima w’icuraburindi wari munsi y’ibirenge byayo.+ 11  Iza igendera ku mukerubi,+ iguruka; Iboneka ku mababa y’umumarayika.*+ 12  Nuko yigotesha umwijima iwugira nk’ingando+ Z’ibicu bifatanye kandi byijimye, byuzuye amazi.+ 13  Amakara yagurumanaga mu mucyo wari imbere yayo.+ 14  Yehova atangira guhinda nk’inkuba ari mu ijuru,+ Isumbabyose itangira kumvikanisha ijwi ryayo.+ 15  Ikomeza kubarasaho imyambi kugira ngo ibatatanye;+ Ibarabirizaho imirabyo kugira ngo ibatere urujijo.+ 16  Indiba z’inyanja zaragaragaye,+ Imfatiro z’ubutaka+ ziranama, Bitewe no gukangara kwa Yehova n’umwuka uva mu mazuru ye.+ 17  Yarambuye ukuboko kwe ari mu ijuru aramfata,+ Ankura mu mazi menshi.+ 18  Yankijije umwanzi wanjye ukomeye,+ Ankiza n’abanyanga, kuko bandushaga imbaraga.+ 19  Bakomeje kundwanya ku munsi w’ibyago byanjye,+ Ariko Yehova yaranshyigikiye,+ 20  Anjyana ahantu hagari,+ Arankiza kuko yari anyishimiye.+ 21  Yehova angororera akurikije gukiranuka kwanjye;+ Aranyitura kuko ibiganza byanjye bitanduye.+ 22  Nagumye mu nzira za Yehova,+ Kandi sinakoze igikorwa kibi cyo kureka Imana yanjye.+ 23  Amategeko+ ye yose ari imbere yanjye, Kandi sinzateshuka ku mabwiriza ye.+ 24  Nzamubera indakemwa,+ Kandi nzirinda icyaha cyose.+ 25  Yehova anyiture akurikije gukiranuka kwanjye,+ Anyiture kuko ntanduye mu maso ye.+ 26  Ku muntu w’indahemuka, uzaba indahemuka;+ Ku muntu w’indakemwa, w’umunyambaraga, uzaba indakemwa.+ 27  Ku muntu utanduye, uzigaragaza ko utanduye;+ Ku muntu ugoramye, uzigaragaza nk’umupfapfa.+ 28  Abicisha bugufi uzabakiza;+ Ariko igitsure cyawe kiri ku bishyira hejuru kugira ngo ubacishe bugufi.+ 29  Yehova, ni wowe tara ryanjye;+ Yehova ni we umurikira mu mwijima.+ 30  Kuko ari wowe umpa kwirukana umutwe w’abanyazi;+ Imana yanjye ituma nshobora kurira urukuta.+ 31  Inzira y’Imana y’ukuri iratunganye;+ Ijambo rya Yehova riraboneye.+ Abamuhungiraho bose ababera ingabo ibakingira.+ 32  Ni iyihe Mana yindi itari Yehova?+ Kandi se ni nde gitare uretse Imana yacu?+ 33  Imana y’ukuri ni igihome cyanjye gikomeye,+ Kandi izatunganya inzira yanjye,+ 34  Ibirenge byanjye ibigira nk’iby’imparakazi,+ Kandi iyo ndi ahantu harehare hahanamye, ni yo ikomeza kumpagarika.+ 35  Ni yo yigisha amaboko yanjye kurwana;+ Amaboko yanjye agonda umuheto w’umuringa.+ 36  Uzampa agakiza kawe kambere ingabo inkingira,+ Kandi kwicisha bugufi kwawe ni ko kungira umuntu ukomeye.+ 37  Aho intambwe zanjye zinyura uzahagira hagari;+ Utugombambari twanjye ntituzanyeganyega.+ 38  Nzakurikira abanzi banjye kugira ngo mbarimbure, Kandi sinzagaruka ntabatsembyeho.+ 39  Nzabatsembaho mbajanjagure,+ ku buryo batazabasha guhaguruka;+ Bazagwa munsi y’ibirenge byanjye.+ 40  Uzankenyeza imbaraga kugira ngo njye ku rugamba;+ Abahagurukira kundwanya uzabagusha munsi y’ibirenge byanjye.+ 41  Uzatuma abanzi banjye bampa ibitugu;+ Abanyanga urunuka na bo nzabacecekesha.+ 42  Baratabaza ariko nta mukiza bafite;+ Batabaza Yehova ariko ntabasubiza.+ 43  Nzabahonda mbanoze nk’umukungugu wo hasi; Nzabaribata mbanoze nk’ibyondo byo mu muhanda;+ Nzabanyukanyuka baringanire. 44  Uzankiza abo mu bwoko bwanjye bahora banshakaho amakosa.+ Uzandinda kugira ngo mbe umutware w’amahanga;+ Abantu ntigeze kumenya bazankorera.+ 45  Abanyamahanga bazaza aho ndi bampakweho batinya;+ Bazanyumvira, bantege amatwi.+ 46  Abanyamahanga bazaraba, Basohoke mu bihome byabo bahinda umushyitsi.+ 47  Yehova ni Imana nzima.+ Igitare cyanjye nigisingizwe;+ Imana yanjye, igitare kinkingira, ishyirwe hejuru.+ 48  Imana y’ukuri ni yo imporera,+ Ni yo ishyira amahanga munsi y’ibirenge byanjye.+ 49  Ni yo inkiza abanzi banjye.+ Uzanshyira hejuru y’abahagurukira kundwanya,+ Unkize umunyarugomo.+ 50  Yehova, ni yo mpamvu nzagushimira hagati y’amahanga;+ Kandi nzaririmbira izina ryawe:+ 51  Ni we ukorera umwami yimitse ibikorwa bikomeye byo kumukiza.+ Agaragariza ineza yuje urukundo uwo yasutseho amavuta;+ Ayigaragariza Dawidi n’urubyaro rwe kugeza ibihe bitarondoreka.”+

Ibisobanuro ahagana hasi