Soma ibirimo

Jya kuri meni ya kabiri

Reba urutonde rw'ibirimo

Abahamya ba Yehova

Ikinyarwanda

Bibiliya kuri interineti | BIBILIYA-UBUHINDUZI BW'ISI NSHYA

1 Ibyo ku Ngoma 15:1-29

15  Nuko Dawidi akomeza kubaka amazu+ mu Murwa wa Dawidi, ategura ahantu+ ho gushyira isanduku y’Imana y’ukuri, ahashinga ihema ryo kuyishyiramo.  Hanyuma aravuga ati “nta wundi muntu uzaheka isanduku y’Imana y’ukuri, keretse Abalewi kuko ari bo Yehova yatoranyije ngo bajye baheka isanduku ya Yehova+ kandi bamukorere+ kugeza ibihe bitarondoreka.”  Dawidi akoranyiriza Abisirayeli bose i Yerusalemu,+ kugira ngo bajye kuzana isanduku+ ya Yehova bayishyire ahantu yari yarayiteguriye.  Dawidi akoranya bene Aroni+ n’Abalewi.  Mu Bakohati haje Uriyeli+ wari umutware wabo n’abavandimwe be. Bari ijana na makumyabiri.  Mu Bamerari+ haje Asaya+ wari umutware wabo n’abavandimwe be. Bari magana abiri na makumyabiri.  Mu Bagerushomu+ haje Yoweli+ wari umutware wabo n’abavandimwe be. Bari ijana na mirongo itatu.  Muri bene Elizafani+ haje Shemaya+ wari umutware wabo n’abavandimwe be. Bari magana abiri.  Muri bene Heburoni haje Eliyeli wari umutware wabo n’abavandimwe be. Bari mirongo inani. 10  Muri bene Uziyeli+ haje Aminadabu wari umutware wabo n’abavandimwe be. Bari ijana na cumi na babiri. 11  Nanone Dawidi yahamagaje Sadoki+ na Abiyatari+ b’abatambyi na Uriyeli,+ Asaya,+ Yoweli,+ Shemaya,+ Eliyeli+ na Aminadabu b’Abalewi, 12  arababwira ati “dore ni mwe batware+ b’amazu ya ba sokuruza b’Abalewi. None nimwiyeze,+ mwe n’abavandimwe banyu, maze muzane isanduku ya Yehova Imana ya Isirayeli muyishyire ahantu nayiteguriye. 13  Ku ncuro ya mbere ntimwabikoze,+ ni yo mpamvu Yehova Imana yacu yaduciyemo icyuho+ kuko tutakurikije ubuyobozi bwayo nk’uko byari bisanzwe bikorwa.”+ 14  Nuko Abatambyi n’Abalewi bariyeza+ kugira ngo bajye kuzana isanduku ya Yehova Imana ya Isirayeli. 15  Hanyuma Abalewi baheka+ isanduku y’Imana y’ukuri nk’uko Mose yari yarabitegetse abibwiwe na Yehova, bashyira imijishi yayo ku ntugu zabo.+ 16  Dawidi asaba abatware b’Abalewi gushyira abavandimwe babo b’abaririmbyi+ mu myanya yabo, bafite ibikoresho by’umuzika+ na nebelu+ n’inanga+ n’ibyuma birangira,+ kugira ngo baririmbe mu ijwi riranguruye indirimbo ituma abantu bishima. 17  Abalewi bashyira Hemani+ mwene Yoweli n’abavandimwe be na Asafu+ mwene Berekiya mu myanya yabo. Mu bavandimwe babo b’Abamerari, hari Etani+ mwene Kushaya, 18  ari kumwe n’abavandimwe be bo mu itsinda rya kabiri,+ ari bo Zekariya,+ Beni, Yaziyeli, Shemiramoti, Yehiyeli, Uni, Eliyabu, Benaya, Maseya, Matitiya, Elifelehu, Mikineya, Obedi-Edomu+ na Yeyeli, bose bari abarinzi b’amarembo. 19  Bashyira mu myanya Hemani,+ Asafu+ na Etani, abaririmbyi bacurangaga ibyuma birangira bicuzwe mu muringa,+ 20  na Zekariya, Aziyeli,+ Shemiramoti, Yehiyeli, Uni, Eliyabu, Maseya na Benaya bacurangaga inanga zifite amajwi yo hejuru,*+ 21  na Matitiya,+ Elifelehu, Mikineya, Obedi-Edomu, Yeyeli na Azaziya bacurangaga inanga+ zifite ijwi ryo hasi,*+ kugira ngo bayobore abandi, 22  na Kenaniya+ wari umutware w’Abalewi bari bahetse Isanduku, akaba yarabahaga amabwiriza ahereranye n’uko bayiheka, kuko yari umuhanga,+ 23  na Berekiya na Elukana barindaga+ Isanduku, 24  ndetse na Shebaniya, Yoshafati, Netaneli, Amasayi, Zekariya, Benaya na Eliyezeri, abatambyi bavuzaga impanda+ mu ijwi riranguruye imbere y’isanduku y’Imana y’ukuri, na Obedi-Edomu na Yehiya barindaga Isanduku. 25  Dawidi+ n’abakuru b’Abisirayeli+ n’abatware+ b’ibihumbi ni bo bagiye kuzana isanduku y’isezerano rya Yehova, bayikura mu rugo rwa Obedi-Edomu+ bishimye.+ 26  Igihe Imana y’ukuri yafashaga+ Abalewi bari bahetse isanduku y’isezerano rya Yehova, batambye ibimasa birindwi bikiri bito n’amapfizi arindwi y’intama.+ 27  Dawidi yari yambaye ikanzu itagira amaboko iboshye mu budodo bwiza. Abalewi bose bari bahetse Isanduku n’abaririmbyi na Kenaniya+ umutware w’abaririmbyi+ bari bahetse isanduku na bo bari bambaye batyo, uretse ko Dawidi we yari yarengejeho efodi+ iboshye mu budodo bwiza cyane. 28  Nuko Abisirayeli bose bazana isanduku y’isezerano rya Yehova barangurura amajwi y’ibyishimo,+ bavuza ihembe,+ impanda+ n’ibyuma birangira,+ kandi bacuranga nebelu n’inanga mu ijwi riranguruye.+ 29  Isanduku y’isezerano+ rya Yehova igeze mu Murwa wa Dawidi, Mikali+ umukobwa wa Sawuli arebera mu idirishya, abona Umwami Dawidi abyina yitakuma yizihiza ibyo birori,+ amugayira+ mu mutima.

Ibisobanuro ahagana hasi