Soma ibirimo

Jya kuri meni ya kabiri

Reba urutonde rw'ibirimo

Abahamya ba Yehova

Ikinyarwanda

Bibiliya kuri interineti | BIBILIYA-UBUHINDUZI BW'ISI NSHYA

1 Abakorinto 13:1-13

13  Niyo navuga mu ndimi+ z’abantu n’iz’abamarayika ariko singire urukundo, naba mpindutse nk’icyuma kibomborana cyangwa kirangira.+  Niyo nagira impano yo guhanura+ kandi nkamenya amabanga yose yera,+ nkagira n’ubumenyi bwose,+ kandi niyo nagira ukwizera kose kwatuma nimura imisozi+ nkayitereka ahandi, ariko singire urukundo, nta cyo naba ndi cyo.+  Niyo natanga ibyo ntunze byose kugira ngo ngaburire abandi,+ ndetse niyo natanga umubiri wanjye+ kugira ngo mbone uko nirata, ariko singire urukundo,+ nta cyo byanyungura.  Urukundo+ rurihangana+ kandi rukagira neza.+ Urukundo ntirugira ishyari,+ ntirwirarira,+ ntirwiyemera,+  ntirwitwara mu buryo buteye isoni,+ ntirushaka inyungu zarwo,+ ntirwivumbura.+ Ntirubika inzika y’inabi rwagiriwe.+  Ntirwishimira gukiranirwa,+ ahubwo rwishimira ukuri.+  Rutwikira byose,+ rwizera byose,+ rwiringira byose,+ rwihanganira byose.+  Urukundo ntirushira.+ Ariko zaba impano zo guhanura, zizakurwaho; zaba impano zo kuvuga izindi ndimi, zizagira iherezo; bwaba ubumenyi, buzakurwaho.+  Dufite ubumenyi butuzuye+ kandi duhanura igice,+ 10  ariko igihe icyuzuye kizaba cyaje,+ ikituzuye kizakurwaho. 11  Nkiri uruhinja, navugaga nk’uruhinja, ngatekereza nk’uruhinja, nkibwira nk’uruhinja. Ariko ubu ubwo namaze kuba umugabo,+ nikuyemo imico nk’iy’uruhinja. 12  Muri iki gihe turebera mu ndorerwamo y’icyuma ibirorirori,+ ariko icyo gihe bizaba ari imbonankubone.+ Muri iki gihe nzi ho igice, ariko icyo gihe nzamenya ibintu neza nk’uko nanjye nzwi neza.+ 13  Icyakora, ubu hasigaye ukwizera, ibyiringiro n’urukundo, ibyo uko ari bitatu; ariko ikiruta byose muri ibyo ni urukundo.+

Ibisobanuro ahagana hasi