Soma ibirimo

Jya kuri meni ya kabiri

Reba urutonde rw'ibirimo

Abahamya ba Yehova

Ikinyarwanda

Umunara w’Umurinzi  |  Gashyantare 2015

Ibibazo bishingiye kuri Bibiliya

Ibibazo bishingiye kuri Bibiliya

Ese hari igihe isi izaba itegekwa n’ubutegetsi bumwe?

Ubutegetsi bw’isi yose buzahuriza hamwe abantu bo mu mahanga yose bute? Yesaya 32:1, 17; 54:13

Tekereza ukuntu abantu bamererwa neza, isi yose iramutse itegekwa n’ubutegetsi bumwe! Muri iki gihe, abantu benshi bababazwa no kuba ari abatindi, mu gihe abandi ari abaherwe. Ariko isi yose iramutse itegekwa n’ubutegetsi bumwe burangwa n’impuhwe, buri wese yabona icyo ashaka. Ese utekereza ko hari igihe abantu bazashyiraho ubwo butegetsi?—Soma muri Yeremiya 10:23.

Amateka agaragaza ko ubutegetsi bwagiye bunanirwa kwita ku baturage babwo, cyane cyane abakene. Nanone abategetsi bamwe ni abagome (Umubwiriza 4:1; 8:9). Ariko Imana Ishoborabyose yasezeranyije ko izashyiraho ubutegetsi buzasimbura uburiho muri iki gihe bwose, kandi ko umutegetsi wabwo azita ku bantu mu buryo bukwiriye.—Soma muri Yesaya 11:4; Daniyeli 2:44.

Ubwami bw’Imana buzakora iki?

Yehova Imana yatoranyije Umwana we ari we Yesu, kugira ngo abe umutegetsi ukwiriye w’isi (Luka 1:31-33). Yesu akiri ku isi, yishimiraga gufasha abantu. Igihe azaba amaze kuba Umwami, azahuriza hamwe abantu bo mu mahanga yose kandi abakize imibabaro yose.—Soma muri Zaburi 72:8, 12-14.

Ese abantu bose bazemera ko Yesu ari Umwami? Oya. Ariko Yehova arihangana (2 Petero 3:9). Muri iki gihe, afasha abantu kwemera ko Yesu ari Umwami. Vuba aha, Yesu azarimbura ababi bose, azane amahoro n’umutekano ku isi hose.—Soma muri Mika 4:3, 4.

 

IBINDI WAMENYA

Ni iki mu by’ukuri Bibiliya yigisha?

Ubwami bw’Imana ni iki?

Abantu benshi bazi isengesho ry’Umwami. Amagambo ngo “Ubwami bwawe nibuze,” asobanura iki?

UMUNARA W’UMURINZI

Ese Imana izashyiraho ubutegetsi bw’isi yose?

Ibibazo byibasira abantu bo ku isi hose. Ese kugira umuyobozi w’isi byabikemura?