Soma ibirimo

Jya kuri meni ya kabiri

Reba urutonde rw'ibirimo

Abahamya ba Yehova

Ikinyarwanda

Umunara w’Umurinzi  |  Nyakanga 2014

Ibibazo bishingiye kuri Bibiliya

Ibibazo bishingiye kuri Bibiliya

Kuki twagombye gusenga?

Yehova Imana yifuza ko tumwegera buri gihe, tukamubwira ibiduhangayikishije nta cyo twishisha (Luka 18:​1-7). Adutega amatwi kubera ko atwitaho. Kubera ko Data wo mu ijuru adutumirira kumusenga, nta cyagombye kutubuza kwitabira ubwo butumire bwe.​—Soma mu Bafilipi 4:​6.

Icyakora, gusenga Imana si ukuyisaba kudufasha gusa, ahubwo binadufasha kuyegera (Zaburi 8:​3, 4). Iyo dufite gahunda ihoraho yo kubwira Imana uko twiyumva, ubucuti dufitanye na yo bugenda burushaho gukomera.​—Soma muri Yakobo 4:​8.

Twagombye gusenga dute?

Mu gihe dusenga si ngombwa ko dukoresha amagambo adasanzwe cyangwa ngo dusubiremo amasengesho twafashe mu mutwe. Nanone nta buryo bwihariye tugomba kwifatamo mu gihe dusenga. Icyo Yehova yifuza ni uko tumusenga tubivanye ku mutima (Matayo 6:​7). Urugero, Hana wo muri Isirayeli ya kera yasenze Imana ayibwira ikibazo cyo mu muryango cyari kimuhangayikishije. Nyuma yaho igihe agahinda yari afite kashiraga maze agasabwa n’ibyishimo, yasenze Imana maze ayishimira abivanye ku mutima.​—Soma muri 1 Samweli 1:​10, 12, 13, 26, 27; 2:​1.

Dufite imigisha itagereranywa yo kwegera Umuremyi wacu tukamubwira ibiduhangayikishije. Nanone dushobora kumusingiza kandi tukamushimira bitewe n’ibyo adukorera. Ku bw’ibyo, twagombye rwose guha agaciro iyo migisha dufite.​—Soma muri Zaburi 145:​14-16.