ABANTU bakunze kwita Nikaragwa igihugu cy’ibiyaga n’ibirunga. Icyo gihugu gifite ikiyaga kigari kurusha ibindi byo muri Amerika yo Hagati na cyo cyitwa Nikaragwa. Abasangwabutaka bakunze kucyita Cocibolca bisobanurwa ngo “inyanja y’urubogobogo.” Nikaragwa ifite ibirwa bibarirwa mu magana kandi ni cyo kiyaga cyonyine kitarimo umunyu kibonekamo ibinyabuzima bitandukanye, urugero nk’ibifi binini ubusanzwe biboneka mu nyanja.

Ururabo rwitwa frangipani ruboneka muri Nikaragwa

Nanone Nikaragwa ifite akarere kitaruye kurusha utundi muri Amerika yo Hagati, bita Inkombe ya Misikito. Ako karere gafashe ku nkombe y’uburasirazuba hafi ya yose, kagakora no ku gihugu cya Hondurasi gihana urubibi na Nikaragwa. Abamisikito ni bumwe mu bwoko bw’abasangwabutaka bo muri Nikaragwa, bakaba barabayeho mbere y’umwaduko w’Abanyaburayi mu kinyejana cya 16.

Abamisikito bararondana kandi bagira imigenzo yihariye. Urugero, ururimi rw’Abamisikito ntirugira amagambo y’icyubahiro nka “bwana” cyangwa “madamu.” Mu duce tw’icyaro, abakiri bato bita abantu bakuru “ba nyirarume”  cyangwa “ba nyirasenge,” baba bafitanye isano cyangwa nta yo. Abagore b’Abamisikito bafite umuco karande wo gusuhuza incuti na bene wabo bahuza imisaya, hanyuma uwatangiye asuhuza agasa n’uwiruhutsa.

Abasangwabutaka

Ibitabo by’imfashanyigisho za Bibiliya mu kimayanguna n’ikimisikito, byanditswe n’Abahamya ba Yehova