8 NYAKANGA 2024
U BURUSIYA

“Ubu nibonera imigisha Yehova ampa”

FUNGURA

Urukiko rw’akarere ka Vyselkovskiy ruherereye mu gace ka Krasnodar vuba aha ruzatangaza umwanzuro warwo mu rubanza ruregwamo umuvandimwe Viktor Spirichev. Ubushinjacyaha nta gihano buramusabira.

Icyo twamuvugaho

Viktor Spirichev

Igihe yavukiye: 1980 (Samoded, mu ntara ya Arkhangelsk)

Ibimuranga: Akora ibijyanye n’ubwubatsi

Yatangiye kwigana Bibiliya n’Abahamya ba Yehova avuye mu gisirikare. Yashimishijwe n’uko ibibazo byose yabazaga babishubije bakoresheje Bibiliya

Yabatijwe mu mwaka wa 2002

Yashakanye na Larisa mu mwaka wa 2009

Ibyo yavuze

Ni iki cyagufashije kwihangana, ugakomeza gutuza muri ibi bihe?

Igihe ibitotezo byatangiraga, narahangayitse cyane. Maze kwisuzuma nasanze icyatumaga mpangayika cyane, ari uko niyiringiraga, nkishingikiriza ku bushobozi bwanjye. Nakoraga uko nshoboye kose ngo ndebe ko ibyo bigeragezo byarangira, aho kwemera ko Yehova yaretse ibyo bigeragezo bikaba. Hari isomo ry’ingenzi nigiye ku magambo avugwa mu Mubwiriza 7:16, agira ati: “Ntugakabye gukiranuka kandi ntukigire umunyabwenge ngo urenze urugero.” Nshimira Yehova cyane kuba yaramfashije ngahindura uko nabonaga ibintu kandi nkarushaho kwicisha bugufi. Aho kugira ngo mpangayikishwe n’ibyo ntekereza cyangwa gushaka kwirwanirira, nsigaye nibanda ku kintu cy’ingenzi cyane ari cyo urukundo nkunda Yehova kuko ari rwo rutuma mukorera. Ibyo byamfashije kurushaho kuba incuti ya Yehova no kwihanganira ibigeragezo mpura na byo nishimye. Ubu nibonera neza imigisha Yehova ampa.

Dushimishwa no kumenya ko iyo dukomeje kwicisha bugufi, Yehova atugaragariza ineza.—1 Petero 5:5.

Uko ibintu byagiye bikurikirana

Ku itariki ya 13 Gashyantare 2022

Abayobozi basatse ingo zigera kuri 25 z’Abahamya ba Yehova bo mu gace ka Vyselki n’aka Berezanskaya, harimo n’urugo rwa Viktor na Larisa
Ku itariki ya 23 Gicurasi 2023

Yatangiye gukurikiranwa mu nkiko, ashinjwa kwifatanya mu bikorwa by’umuryango ukora ibikorwa by’ubutagondwa. Konti ze zo muri banki zarahagaritswe
Ku itariki ya 11 Nyakanga 2023

Abayobozi bamuhase ibibazo
Ku itariki ya 22 Nyakanga 2023

Yongeye guhatwa ibibazo, maze amenyeshwa ko atagomba kurenga agace atuyemo
Ku itariki ya 30 Mutarama 2024

Urubanza rwe ni bwo rwatangiye

Ibindi wamenya

AMAKURU YO KU ISI HOSE

Abahamya ba Yehova bafunzwe bazira ukwizera kwabo—Aho bafungiwe

Abahamya ba Yehova bafungiwe mu bihugu bitandukanye bazira ukwizera kwabo no kubahiriza amahame y’ibanze y’uburenganzira bw’ikiremwamuntu kandi rimwe na rimwe bafungirwa ahantu habi.