“Buri gihe Yehova ampora hafi”

FUNGURA

Ku itariki ya 4 Nyakanga 2025, Urukiko rw’Akarere ka Vyselkovskiy ruri mu Ntara ya Krasnodar, rwahamije icyaha mushiki wacu Irina Ushakova maze rumukatira imyaka ibiri y’igifungo gisubitse. Ntibizaba ngombwa ko ajyanwa muri gereza.

Icyo twamuvugaho

Irina Ushakova

Igihe yavukiye: 1974 (Tajikisitani)

Igihe yabatirijwe: 2004

Amateka ye: Yashakanye na Vitaliy mu mwaka wa 2006. Bafite abana babiri b’abahungu. Irina bamusanzemo kanseri mu mwaka 2021. Vitaliy na we ari kuburana mu rundi rubanza

Ibyo yaregwaga: Kwifatanya mu materaniro y’Abahamya ba Yehova

Igihano yahawe: Imyaka ibiri y’igifungo gisubitse

Ibyo yavuze

Ni iki cyagufashije muri ibi bihe bigoye?

Vitaliy yafunzwe by’agateganyo hashize igihe gito mbazwe. Nta kintu nari nshoboye gukora kandi numvaga ntatekereza neza. Sinari nzi uko nahangana n’ibyo bintu byose. Muri icyo gihe, gukomeza gukora gahunda zanjye zo mu buryo bw’umwuka byamfashije gukomeza kubona ibintu mu buryo bushyize mu gaciro. Buri gihe, nsoma Bibiliya kandi nkamara igihe mbwira Yehova ibindi ku mutima. Ubu namenye ko nshobora gutuza, simpangayike birenze urugero nubwo naba mfite ibibazo kuko buri gihe Yehova ampora hafi.

Twishimira ko dushobora gutsinda ikigeragezo icyo ari cyo cyose kubera ko Yehova adushyigikiye.—Abefeso 3:16.

AMAKURU