Soma ibirimo

Amafoto yo muri Filipine igice cya 2 (Kamena 2015 kugeza Kamena 2016)

Amafoto yo muri Filipine igice cya 2 (Kamena 2015 kugeza Kamena 2016)

Abahamya ba Yehova barangije imirimo yo kuvugurura amazu y’ibiro by’ishami byo muri Filipine biri mu mugi wa Quezon. Muri aya mafoto, uri bwibonere uko imirimo yo kubaka yagiye ikurikirana n’uko abavoronteri bayigizemo uruhare kuva muri Kamena 2015 kugeza muri Kamena 2016. Mu mezi make nyuma yaho, ayo mazu yatangiye gukorerwamo kandi yegurirwa Yehova muri Gashyantare 2017.

Reba uko amazu y’ibiro by’ishami byo muri Filipine azaba ameze, igihe azaba yuzuye. Mu mazu yubatswe n’ayavuguruwe harimo:

  • Inzu ya 4 (Inzu y’amacumbi)

  • Inzu ya 5 (Urwego Rushinzwe Gutunganya Amajwi n’Amashusho n’Urwego Rushinzwe Umurimo)

  • Inzu ya 6 (Urwego Rwita ku Busitani, Igaraji n’aho basudirira)

  • Inzu ya 7 (Inzego z’imirimo zitandukanye: orudinateri, ibishushanyo mbonera, kwita ku mazu n’ibikoresho, kohereza ibitabo n’ubuhinduzi)

Tariki ya 15 Kamena 2015: Ku kibanza mu mugi wa Quezon

Abakozi barimo bakora ibisanduku bizifashishwa mu kumena beto izakoreshwa bubaka ikirongozi gihuza inzu ya 1, 5 n’iya 7.

Tariki ya 15 Kamena 2015: Inyubako ya 5

Mbere yo gutangira imirimo, abubatsi barimo gusuzuma igishushanyo mbonera cyateguwe n’Urwego Rushinzwe Ibishushanyo mbonera n’Ubwubatsi muri Aziya no muri Pasifika. Muri Werurwe 2016, urwo rwego rwavuye muri Ositaraliya rujya gukorera ku biro by’ishami bya Filipine.

Tariki ya 23 Kamena 2015: Ku kibanza mu mugi wa Quezon

Imashini yabigenewe irimo gusenya beto, ahantu hazacukurwa imiyoboro. Muri iyo miyoboro mishya hazashyirwamo amatiyo anyuramo amazi akonje mu rwego rwo gutanga ubukonje n’ubushyuhe bukenewe.

Tariki ya 20 Ugushyingo 2015: Ku kibanza mu mugi wa Quezon

Umugabo n’umugore we barimo basudira ibyuma abantu bagenda bafasheho.

Tariki ya 20 Nyakanga 2015: Ku kibanza mu mugi wa Quezon

Abakozi bataba amatiyo hagati y’inzu ya 4 n’iya 5.

Tariki ya 18 Nzeri 2015: Inzu ya 5

Umwubatsi urimo akora ku idirishya yifashishije akamashini gatera imisumari.

Tariki ya 18 Nzeri 2015: Inzu ya 5

Umukozi urimo ashyira itapi mu nzu. Igorofa rya kabiri ryo mu nzu ya 5 ryose rizaba rishashemo tapi, kugira ngo aho Urwego Rushinzwe Amajwi n’Amashusho rukorera hatazaba hari urusaku.

Tariki ya 22 Ukwakira 2015: Inzu ya 5

Abakozi barimo basiga amarangi ku nzu y’ibiro. Iryo rangi rishashagirana, rizatuma mu nzu harushaho kubona, bitume mu nzu hakomeza kugira amafu, bityo amafaranga agenda ku muriro w’amashanyarazi agabanuke.

Tariki ya 10 Gashyantare 2016: Inzu ya 4

Abakozi barimo basenya ibisanduku byifashishijwe mu kumena beto, igihe bubakaga uruzitiro. Inzu ya 4, igizwe n’amagorofa abiri acumbikira abanyeshuri biga amashuri atandukanye ya Bibiliya.

Tariki ya 10 Gashyantare 2016: Inzu ya 4

Umwe mu bakora mu birebana n’amazi n’ibyuma bizana ubukonje n’ubushyuhe mu nzu, ashyiraho ibikoresho bifunika amatiyo anyuramo amazi akonje. Ibyo bikoresho bituma uburyo bwo gukonjesha mu nzu no kuhashyushya bugenda neza kandi bikarinda ibitonyanga biva ku matiyo.

Tariki ya 16 Gashyantare 2016: Inzu ya 4

Umukozi waturutse muri Ositaraliya akora mu by’amashanyarazi. Muri Filipine haje abakozi b’inzobere basaga 100 kugira ngo bafashe muri iyo mirimo yo kuvugurura.