Ja ku birimwo

Ja ku rutonde rw'ibirimwo rwa kabiri

Ja ku rutonde rw’ibirimwo

Ivyabona vya Yehova

Ikirundi

Ubuzima bwacu n’igikorwa cacu—Agatabu k’ikoraniro  |  Ruhuhuma 2017

 UBUTUNZI BWO MW’IJAMBO RY’IMANA | YESAYA 63-66

Amajuru mashasha n’isi nshasha bizozana umunezero mwinshi

Amajuru mashasha n’isi nshasha bizozana umunezero mwinshi

Umuhango Yehova yatanze wo gusubiza ibintu mu buryo dusanga muri Yesaya 65 uzoranguka ata gukeka, ku buryo Yehova awuvuga nk’aho uriko uraranguka.

Yehova arema amajuru mashasha n’isi nshasha, ivya kera ntibisubira kwibukwa

65:17

Amajuru mashasha ni iki?

  • Ni intwaro nshasha izotuma kw’isi harangwa ubugororotsi

  • Iyo ntwaro yashinzwe mu 1914 igihe Kristu yimikwa akaba Umwami w’Ubwami bw’Imana

Isi nshasha ni iki?

  • Ni ikibano c’abantu bo mu bihugu vyose, indimi zose n’amoko yose bashigikira babikunze ubutegetsi bw’iyo ntwaro nshasha yo mw’ijuru

Ivya kera ni gute bitazosubira kwibukwa?

  • Imibabaro yo ku mubiri, mu bwenge no mu mutima, iyituma twibuka ibintu bibabaje, ntizokwongera kubaho

  • Abantu b’abizigirwa bazohimbarirwa ubuzima bimwe bishitse, kandi bazoryoherwa no kwibuka ibintu biteye umunezero bazogenda baribonera ku musi ku musi