Ja ku birimwo

Ja ku rutonde rw'ibirimwo rwa kabiri

Ja ku rutonde rw’ibirimwo

Ivyabona vya Yehova

Ikirundi

Ubuzima bwacu n’igikorwa cacu—Agatabu k’ikoraniro  |  Ruheshi 2017

 UBUZIMA BW’UMUKIRISU

Tubeho twisunga ivyo Yehova adutegeka

Tubeho twisunga ivyo Yehova adutegeka

Yehova Imana ni we ashingira abantu ingingo ngenderwako zijanye n’inyifato runtu. Nk’akarorero, avuga ko umugabo n’umugore bubakanye bakwiye kubana akaramata. (Mt 19:4-6, 9) Ariyamiriza ubwoko bwose bw’ubusambanyi. (1Kr 6:9, 10) Aranaduha ingingo ngenderwako zijanye n’ingene abasavyi biwe bakwiye kwambara no kwitunganya mu buryo butandukanye n’isi.​—Gus 22:5; 1Tm 2:9, 10.

Abantu benshi muri iki gihe ntiberekwa ivyo Yehova adutegeka. (Rm 1:18-32) Bisunga ivyiyumviro vya benshi haba mu nyambaro, mu kwitunganya no mu kuntu bigenza. Benshi bariratira inyifato yabo mbi, bakanebagura abo batabona ibintu kumwe.​—1Pt 4:3, 4.

Twebwe Ivyabona vya Yehova dutegerezwa kugira umutima rugabo tugashigikira amategeko yiwe. (Rm 12:9) Twobigira gute? Dukwiye kumenyekanisha ibimuhimbara, tukabigira twigengesera. Mugabo dutegerezwa kuba ubwacu dutanga akarorero. Nk’igihe duhitamwo impuzu canke uburyo bwo kwitunganya, twokwibaza duti: ‘Ivyo mpitamwo vyoba bihuje n’ivyiyumviro vya Yehova canke vy’isi? Uburyo nambara canke nitunganya bwoba bwerekana ko ntinya Imana?’ Igihe na ho duhitamwo ikiganiro canke isinema twororera, twokwibaza duti: ‘Yehova yoba yoshima iki kiganiro? Kiremesha ivyiyumviro vya nde? Uburyo mpitamwo kwisamaza ntibwohava butuma bingora gukora ikibereye? (Zb 101:3) Bwoba bwotsitaza abo mu muryango canke abandi?’​—1Kr 10:31-33.

Kubera iki bihambaye cane ko tubaho twisunga ivyo Yehova adutegeka? Vuba Kristu Yezu agiye guhonya amahanga akureho n’ububisha bwose. (Ezk 9:4-7) Abakora ivyo Imana igomba ni bo bonyene bazosigara. (1Yh 2:15-17) Nimuze rero tubeho twisunga ivyo Yehova adutegeka kugira ngo abihweza inyifato yacu nziza bamuninahaze.​—1Pt 2:11, 12.

Uburyo nambara n’uburyo nitunganya vyerekana ko nisunga ivyiyumviro vya nde?

NIMURABE AKAVIDEWO NUBE UMUGENZI WA YEHOVA​—UMUGABO N’UMUGORE, MUCE MUGANIRA KURI IBI BIBAZO:

  • Kubera iki ari vyiza gukurikiza amategeko ya Yehova?

  • Kubera iki abavyeyi bakwiye kwigisha abana babo inyifato ishimwa na Yehova kuva bakiri bato cane?

  • Abakuze n’abakiri bato bofasha gute abandi ngo bazokwungikire ku bintu vyiza Yehova atubikiye?