Ja ku birimwo

Ja ku rutonde rw'ibirimwo rwa kabiri

Ja ku rutonde rw’ibirimwo

Ivyabona vya Yehova

Ikirundi

Ubuzima bwacu n’igikorwa cacu—Agatabu k’ikoraniro  |  Gitugutu 2017

 UBUZIMA BW’UMUKIRISU

Ivyogufasha kwiga Ijambo ry’Imana n’umwete

Ivyogufasha kwiga Ijambo ry’Imana n’umwete

Woshima kuba umwizigirwa mu bigeragezo nka Daniyeli? Daniyeli yariga Ijambo ry’Imana abigiranye umwete, akiga n’ubuhanuzi bwimbitse. (Dn 9:2) Kwiga Bibiliya n’umwete birashobora kugufasha kuguma uri umwizigirwa. Uti gute? Birashobora gutuma urushiriza kwizera ko ivyo Yehova yasezeranye bizoranguka. (Yos 23:14) Birashobora kandi gutuma urushiriza gukunda Imana, maze ugakora ibigororotse. (Zb 97:10) Mugabo none wohera he? Ehe raba ibi vyiyumviro.

  • Nokwiga iki? Urutonde rwiza rwo kwiyigisha rurimwo gutegura amakoraniro. Igisomwa ca Bibiliya ca buri ndwi kizokugirira akamaro niwafata umwanya wo kugira ubushakashatsi ku bintu udatahura. Hari n’abandi bahisemwo kwiga mu buryo bwimbitse ubuhanuzi bwo muri Bibiliya, ibigize icamwa c’impwemu y’Imana, ingendo za Paulo z’ubumisiyonari canke ibintu biboneka Yehova yaremye. Bishitse mu kiringo c’umusi ukiyumvira ikibazo kijanye na Bibiliya, candike kugira uzocige ubutaha.

  • Nobironderera he? Raba akavidewo kavuga ngo Ibikoresho bigufasha gucukura ubutunzi bwo mu vy’impwemu urabe ivyiyumviro batanga. Kugira wimenyereze, gira ubushakashatsi umenye intwaro nganzasi zigereranywa n’ibikoko bivugwa muri Daniyeli ikigabane ca 7.

  • Nokwiga umwanya ungana gute? Kwiga udahorereza birahambaye kugira ugire amagara meza mu vy’impwemu. Ushobora gutangura wiga umwanya muto mu nyuma ukagenda urongerereza. Kwiga Ijambo ry’Imana ni nko kwimba urondera ubutunzi bunyegejwe, uko ubwubukako ni ko ushaka kuguma wimba. (Img 2:3-6) Akayabagu ufitiye Ijambo ry’Imana kazokwongerekana bitume ubandanya kwiga Bibiliya udasiba.​—1Pt 2:2.

IBIKOKO BIVUGWA MURI DANIYELI IKIGABANE CA 7 BIGERERANYA IKI?

IKINDI KIBAZO:

Ibivugwa muri Daniyeli 7:8, 24 vyarangutse gute?

IVYO NZOKWIGA UBUTAHA:

Ibikoko bivugwa mu Vyahishuwe ikigabane ca 13 bigereranya iki?