Ja ku birimwo

Ja ku rutonde rw'ibirimwo rwa kabiri

Ja ku rutonde rw’ibirimwo

Ivyabona vya Yehova

Ikirundi

Niwumvirize Imana maze ubeho ibihe bidahera

 IGICE CA 5

Imbere ya rya Segenya rikomeye: Ni bande bumvirije? Ni bande batumvirije?

Imbere ya rya Segenya rikomeye: Ni bande bumvirije? Ni bande batumvirije?

Benshi mu bantu bo mu gihe ca Nowa bakora ibibi. Itanguriro 6:5

Adamu na Eva baravyaye abana, maze abantu baba benshi kw’isi. Mu nyuma, abamarayika bamwebamwe barifatanije na Shetani mu bugarariji bwiwe.

Baraje kw’isi maze biyambika imibiri y’abantu kugira ngo bashobore kurongora abagore. Abo bagore bavyaye abana bafise ubushobozi burengeye ubw’abantu, abo bana bakaba bari inkazi kandi bakomeye cane.

Isi yaciye yuzura abantu bakora ibintu bibi. Bibiliya ivuga iti: “Ububi bw’umuntu bwari bugwiriye mw’isi [kandi] impengamiro yose y’ivyiyumviro vy’umutima wiwe yari mbi gusa igihe cose.”

 Nowa yarumvirije Imana maze arubaka ubwato. Itanguriro 6:13, 14, 18, 19, 22

Nowa yari umuntu ameze neza. Yehova yabwiye Nowa yuko yagira atikize ababisha akoresheje Isegenya rikomeye.

Imana yabwiye kandi Nowa ngo yubake ubwato amahero, abwinjizemwo umuryango wiwe be n’ibikoko vy’ubwoko bwose.

Nowa yaraburiye abantu ku bijanye n’Isegenya ryagira rize, mugabo ntibumvirije. Bamwe baramutwenze, abandi baramwanka.

Ubwato bumaze kwuzura, Nowa yarinjijemwo ibikoko.