Ja ku birimwo

Ja ku rutonde rw'ibirimwo rwa kabiri

Ja ku rutonde rw’ibirimwo

Ivyabona vya Yehova

Ikirundi

Niwigishe abana bawe

 ICIGWA CA 13

Timoteyo yashaka gufasha abantu

Timoteyo yashaka gufasha abantu

Timoteyo yari umusore yaryoherwa no gufasha abantu. Yaragiye ahantu henshi kugira ngo afashe abandi. Ivyo vyaratumye agira ubuzima buteye umunezero. Urashaka kumenya ingene vyagenze?—

Nyina wa Timoteyo na inakuru baramwigishije ivyerekeye Yehova

Timoteyo yakuriye mu gisagara citwa Lusitira. Igihe yari akiri muto, inakuru Loyisi na nyina wiwe Ewunise baratanguye kumwigisha ivyerekeye Yehova. Timoteyo ariko arakura, yaripfuje gufasha abandi kwiga ivyerekeye Yehova.

Igihe Timoteyo yari akiri umusore, Paulo yaramubajije niba bojana kwamamaza mu tundi turere. Timoteyo yishuye ati: ‘Egome!’ Yari yiteguriye kugenda gufasha abandi.

 Timoteyo yarajanye na Paulo mu gisagara c’i Makedoniya citwa Tesalonika. Kugira bashikeyo, babwirizwa kugira urugendo rurerure n’amaguru hanyuma bagafata ubwato. Igihe amaherezo bashikayo, barafashije abantu benshi kwiga ivyerekeye Yehova. Ariko abantu bamwebamwe barashavuye maze bagerageza kubagirira nabi. Rero Paulo na Timoteyo babwirijwe kuvayo baja kwamamaza ahandi hantu.

Timoteyo yari abayeho anezerewe

Haciye amezi nk’angahe, Paulo yarasavye Timoteyo gusubira i Tesalonika kugira arabe uko abavukanyi bari bamerewe. Gusubira muri ico gisagara kimeze nabi vyasaba uburindutsi bukomeye! Ariko Timoteyo yaragiyeyo kubera yari arajwe ishinga n’abavukanyi baho. Yagarutse azaniye Paulo inkuru nziza. Abavukanyi b’i Tesalonika bari bamerewe neza!

Timoteyo yarakoranye na Paulo imyaka myinshi. Igihe kimwe Paulo yanditse ko Timoteyo yari we muntu yari abereye yari gushobora kurungika gufasha amashengero. Timoteyo yarakunda Yehova kandi yarakunda abantu.

Woba ukunda abantu kandi ukaba ushaka kubafasha kwiga ivyerekeye Yehova?— Niba ari ukwo, urashobora kugira ubuzima buteye umunezero nka kumwe kwa Timoteyo!