Ja ku birimwo

Ja ku rutonde rw'ibirimwo rwa kabiri

Ja ku rutonde rw’ibirimwo

Ivyabona vya Yehova

Ikirundi

Igitabu c’umwaka c’Ivyabona vya Yehova 2017

 JEWOROJIYA

Naripfuza guhinduka

Davit Samkharadze

Naripfuza guhinduka
  • YAVUTSE 1967

  • YABATIJWE 1989

  • IVYIWE MURI MAKE Yarabaye umucungezi w’ingenzi. Kuva mu 2013, ni umwigisha mu mashure y’ivya Bibiliya.

MU 1985, mfise imyaka 18, abategetsi b’Uburusiya barantegetse kuja mu gisirikare. Akarenganyo n’agahahazo vyari mu gisirikare vyarambabaza cane. Nibwira nti: ‘Jewe sinzomera nka bo.’ Ariko nasanze bitama vyoroshe ko nigenza nk’uko ndabishaka. Naripfuza guhinduka.

Maze guheza ikiringo canje mu gisoda, narasubiye muhira. Umusi umwe mw’ijoro mvuye mu rubanza, narasenze Imana ndayisaba ngo imfashe guhinduka. Bukeye ndiko ndaja ku kazi, naraciye kuramutsa senge, akaba yari Icabona ca Yehova. Ninjiye mu nzu iwe, nahasanze Ivyabona bakeyi bari mw’ikoraniro. Barampaye ikaze n’igishika, nca ndicara ndumviriza.

Naremeye kwiga Bibiliya, kandi inyuma y’amezi atandatu naciye mbatizwa. Yehova yaramfashije guhinduka, ivyo nkaba ntari kuvyishoboza.