Ja ku birimwo

Ja ku rutonde rw'ibirimwo rwa kabiri

Ja ku rutonde rw’ibirimwo

Ivyabona vya Yehova

Ikirundi

Igitabu c’umwaka c’Ivyabona vya Yehova 2017

Svaneti ya ruguru

 JEWOROJIYA

Ibiranga Jeworojiya

Ibiranga Jeworojiya

Kwimbura inzabibu biratera umunezero

Igihugu Jeworojiya irangwa n’imisozi iteye igomwe ipfutswe n’ibibarafu, imwimwe ikaba ishobora kurenza imetero 4.500. Ico gihugu kigizwe n’ibice bibiri nyamukuru: Igice co mu buseruko n’ico mu burengero. Igice kimwekimwe cose kigizwe n’uturere tutari duke, kamwe kose kakaba kisangije ikirere, imigenzo, indirimbo, intambo n’ibifungurwa.

Abanyagihugu Abantu 3.700.000 bo muri ico gihugu nka bose ni imvukira zaho.

Idini Benshi mu bantu baho ni aborotodogisi. Abashika ibice 10 kw’ijana ni abisilamu.

Ururimi Ikijeworojiya nta ho gisa gisana n’indimi zo mu bihugu bibanyi. Amakuru ya kahise yerekana ko indome zigize urwo rurimi zatanguye kera cane, imbere y’uko Yezu aza kw’isi.

 Ibibatunze Benshi babeshejweho n’uburimyi. Igisata c’ingenzi gisigaye kiri mu bintu vyinjiza amahera menshi muri ico gihugu.

Ikirere Mu gice co mu buseruko ntihashushe canke ngo hakanye. Ku nkengera z’ikiyaga Cirabura mu burengero bwa Jeworojiya harashushe, kandi haragwiriye ivyamwa vyo mu bwoko bw’imicungwe.

Bariko barimbura inzabibu mu karere ka Kakheti

 Imfungurwa Mu bifungurwa vyaho ntihigera haburamwo umukate. Imikate yaho bayotsa mw’ifuru y’ibumba. Imfungurwa nyamukuru usanga zigizwe n’inyama zivanze n’imboga z’insoromano be n’ibirungo. Kuva kera bamye bakora umuvinyu. Umuvinyu waho barawushiramwo umwambiro, bagaca bawutarika mu mibindi mininiminini. Imiryango myinshi irarima inzabibu, igaca yiganira umuvinyu. Muri Jeworojiya hari ubwoko bushika 500 bw’ibiti vy’imizabibu.

Gukora umukate