Gushikira ivyo urondera

Hitamwo ururimi

Ja ku rutonde rw'ibirimwo rwa kabiri

Ja ku rutonde rw’ibirimwo

Ja ku birimwo

Ivyabona vya Yehova

Ikirundi

Igitabu c’umwaka c’Ivyabona vya Yehova 2014

Sierra Leone na Guinée

Sierra Leone na Guinée

HARAHEZE imyaka nka 500 hafi y’isesero ry’Uruzi Sierra Leone hanaze umuvyaro w’igiti co mu bwoko bw’umusufe hanyuma kirakura. Mu myaka 300 yahaciye imbere yaco haza hararengana imigwi igizwe n’abantu batonze umurongo batagira gitabara, ico giti carakuze kiraba inganzamarumpu. Abantu batagira akagongwe badandaza abashumba baratwara mu bwato abantu hafi 150.000 bagizwe n’abagabo, abagore be n’abana, babajanye mu masoko y’abashumba yo mu mahanga.

Ca giti c’umusufe kizwi cane mu nkuru za kahise co mu gisagara ca Freetown

 Ku wa 11 Ntwarante 1792 abashumba amajana bo muri Amerika bari barekuwe barakoraniye munsi y’ico giti c’umusufe kugira bagire umusi mukuru kubera bari basubiye iwabo muri Afrika. Kuri uwo musi barashinze igisagara cagereranya icizigiro gikomeye bari bafise, ico gisagara bakaba bacise Freetown (bisigura igisagara c’umwidegemvyo). Abashumba barekuwe barabandanije kuza gushika naho ico gisagara gisigara kirimwo imigwi 100 itandukanye y’Abanyafrika. Abo benegihugu bashasha ico giti c’umusufe bakigize ikimenyetso c’umwidegemvyo n’icizigiro.

Haraheze imyaka hafi 100 Ivyabona vya Yehova bo muri Sierra Leone bariko barahumuriza ababanyi babo bakoresheje icizigiro kizotuma baronka umwidegemvyo uruta kure n’iyo uwo baronse, uwo na wo akaba ari “umwidegemvyo w’ubuninahazwa w’abana b’Imana.” (Rom. 8:21) Uwo mwidegemvyo uzoba ari kubohorwa tukava mu buja bw’icaha n’urupfu igihe Ubwami bw’Imana burongowe na Mesiya buzozana amahoro n’Iparadizo kw’isi.Yes. 9:6, 7; 11:6-9.

Haraheze kandi imyaka 50 ibiro vy’ishami vy’Ivyabona vya Yehova vyo muri Sierra Leone ari vyo bihagarikira igikorwa co kwamamaza kirangurirwa muri Guinée. Ico gihugu gihana urubibe na Sierra Leone carashikiwe n’uruhagarara mu vya politike, mu kibano no mu vy’ubutunzi, ivyo bikaba vyatumye benshi mu benegihugu baho bakira ubutumwa bweza umutima bwo muri Bibiliya.

Ivyabona vya Yehova bo muri Sierra Leone no muri Guinée baramamaza inkuru nziza naho bashikirwa n’intambamyi zitari nke. Muri izo ntambamyi harimwo ubukene butagira izina, abantu benshi batazi gusoma no kwandika, imigenzo yashinze imizi, amacakubiri ashingiye ku moko be n’ubukazi bubabaje. Inkuru ikurikira irerekana ukuntu abo basavyi ba Yehova b’intahemuka bari bafise ukwizera kutanyiganyiga be n’ukwihebera Imana. Turizigiye ko inkuru yabo iza kubakora ku mutima kandi igakomeza ukwizera mufitiye “ya Mana itanga icizigiro.”Rom. 15:13.

IBIRI MURI IKI GIHIMBA

Ibintu nyamukuru biranga Sierra Leone na Guinée

Raba ivyerekeye ivyo bihugu, abantu baho, idini ryaho be n’ururimi rwaho.

1915-1947 Mu myaka ya mbere (Igice ca 1)

Mu 1915, umusavyi wa Yehova wa mbere yabatijwe yarashitse i Freetown. Abantu benshi barashimishwa na Bibiliya.

1915-1947 Mu myaka ya mbere (Igice ca 2)

Abakuru b’amadini bari bateguye kunumya abasavyi b’Imana, ariko Yehova ‘yarabasubijeko ibibabaza vyabo.’

1915-1947 Mu myaka ya mbere (Igice ca 3)

Ishengero ry’i Freetown ‘ryarafatīriwe cane na rya jambo.’

“Mu mwaka umwe uzoba upfuye”

Kabiri mu ndwi Zachaeus Martyn yaragira urugendo n’amaguru rw’ibilometero umunani, aduga yongera amanuka umusozi, yitavye amakoraniro ya gikirisu. Ni igiki camujijuye ko yari yubuye ukuri kwo muri Bibiliya?

Bamwita ngo Bibiliya Brown

William R. Brown yaramamaje hirya no hino mu mazinga ya Karayibe no muri Afrika y’ubuseruko. Raba igituma yabona ko yari yatewe kamwe mu duteka ntangere umuntu ashobora guterwa.

1945-1990 ‘Kuzana benshi ku bugororotsi’—Dan.12:3. (Igice ca 1)

Igikorwa co kwamamaza cotejwe imbere cane. Abamisiyonari bari barungitswe ngo batume haba iryo terambere.

Bipfuza kuyirorera

Mu 1956, ya sinema yavuga ngo ‘La Société du Monde Nouveau en action’ yarerekanywe i Freetown, muri Sierra Leone. Hoba hari aboje kuyiraba?

1945-1990 ‘Kuzana benshi ku bugororotsi’—Dan.12:3. (Igice ca 2)

Ivyabona vya Yehova barazwi hirya no hino muri Sierra Leone ko ari abantu batera iteka umubano w’ababiranye.

1945-1990 ‘Kuzana benshi ku bugororotsi’—Dan.12:3. (Igice ca 3)

Ni kubera iki aba abanyapolitike bo muri Poro bajanye mu Nama Nshingamateka integuro y’itegeko ryo kubuza igikorwa c’Ivyabona vya Yehova?

Amashirahamwe akorera mw’ibanga

Amashirahamwe akorera mw’ibanga arwiriye muri Afrika y’uburengero agira ico akoze gute ku buzima bw’abagabo n’abagore baho?

1945-1990 ‘Kuzana benshi ku bugororotsi’—Dan.12:3. (Igice ca 4)

Kugira ngo amashengero afashe abandi gutera imbere mu vy’impwemu, yarashinze amashure y’ivyo gusoma no kwandika. Uko abantu benshi bamenya gusoma, ni ko igikorwa c’ubuhinduzi carushiriza gukenerwa.

Agakarata karanzi ni ko kari nka murekarengane

Ni gute abari bagiye kw’ihwaniro, abatari bafise impapuro z’inzira canke murekarengane, bashoboye kwinjira muri Guinée kugira bitabe ihwaniro?

Yehova yarampagurukije

Jay Campbell, uwari arwaye ubukangwe, yipfuza kwitaba inyigisho ya Bibiliya y’ishengero. Yavuze ko mu kujayo azokoresha utubaho twiwe angenderako. Yoba yarabishoboye?

1991-2001 “Itanure . . . ry’amarushwa”—Yes.48:10 (Igice ca 1)

Naho hari i ntambara, Ivyabona barahaye Ivyabona bagenzi babo be n’abandi imfashanyo z’ivy’umubiri bongera barabahumuriza mu vy’impwemu. Ni igiki cabafashije kugaragaza inkomezi n’umutima rugabo?

1991-2001 “Itanure . . . ry’amarushwa”—Yes.48:10 (Igice ca 2)

Mu gihe c’intambara, Ivyabona vya Yehova ‘barabandanije kwigisha no kumenyesha inkuru nziza, badatezura.’

Uwabaye umusoda akiri umwana yahavuye aba umutsimvyi asanzwe

Uwabaye umusoda w’umuroberi igihe yari akiri muto yaribuka ingene bamwakiriye n’igishika igihe yitaba amakoraniro y’Ivyabona vya Yehova. Ni igiki catumye ahinduka?

Twaravuye mu vyara vy’abasoda b’abaroberi

Naho hari ubwicanyi n’imivurungano i Pendembu, ni kubera iki Ivyabona batari bake batishwe igihe intambara yaduka mu 1991?

Banyita ngo Umunara w’Inderetsi

Icabona ca Yehova yakora igikorwa co gutwara amakete mu gihe c’intambara y’abanyagihugu. Yashobora gute gutwara amakete n’imfashanyo abikuye i Freetown abijana i Conakry muri Guinée?

Ikintu gisumba kure n’iyo diyama

Tamba Josiah yakorera ahantu bimba diyama imbere y’uko aba Icabona ca Yehova. Ni kubera iki abona ko yaronse ikintu gifise agaciro kanini kurusha diyama?

2002-2013 Amaterambere ya vuba (Igice ca 1)

Inyuma y’intambara y’abanyagihugu, amashengero yarashinzwe, Ingoro z’Ubwami zirubakwa, abatsimvyi badasanzwe bararungikwa mu turere twarimwo Ivyabona bakeyi.

2002-2013 Amaterambere ya vuba (Igice ca 2)

Ubu, Ivyabona vya Yehova bo muri ivyo bihugu vyompi barajijutse ko n’abandi bantu benshi bazokwakira inkuru nziza y’Ubwami.

Twari twiyemeje gusukurira Yehova

Philip Tengbeh n’umukenyezi wiwe barahunze igihe abasoda b’abaroberi bigarurira igisagara babamwo ca Koindu. Barafashije kwubaka Ingoro z’Ubwami zitanu igihe baba mu makambi y’impunzi.

Narakunze Sierra Leone

Cindy McIntire yasukuye ari umumisiyonari muri Afrika kuva mu 1992. HS.2Aravuga igituma akunda cane kwamamaza muri Sierra Leone.