Ja ku birimwo

Ja ku rutonde rw'ibirimwo rwa kabiri

Ja ku rutonde rw’ibirimwo

Ivyabona vya Yehova

Ikirundi

Umunara w’Inderetsi  |  Kigarama 2015

Inyishu z’ibibazo bishingiye kuri bibiliya

Inyishu z’ibibazo bishingiye kuri bibiliya

Twoba dushobora kumenya ukuri kwerekeye Imana?

Kubera iki Imana yipfuza ko tumenya ukuri? soma Yohani 17:3

Imana iramenyesha abantu amakuru. Yarakoresheje impwemu yayo nyeranda, ari zo nguvu zayo, kugira ngo ishire ivyiyumviro vyayo mu mitima y’abanditse Bibiliya. (2 Petero 1:20, 21) Turashobora kumenya ukuri kwerekeye Imana dusomye Bibiliya.Soma Yohani 17:17; 2 Timoteyo 3:16.

Muri Bibiliya Imana irahishura ibintu vyinshi biyerekeye. Iratubwira igituma yaremye abantu, ico izobakorera be n’ingene yipfuza ko tubaho. (Ivyakozwe 17:24-27) Yehova Imana yipfuza ko tumenya ukuri ku bimwerekeye.Soma 1 Timoteyo 2:3, 4.

Kubera iki Imana ikunda abakunda ukuri?

Yehova ni Imana y’ukuri, kandi yararungitse Umwana wiwe Yezu kugira ngo yigishe abantu ukuri. Ni co gituma abakunda ukuri baza kuri Yezu. (Yohani 18:37) Imana yipfuza ko abantu nk’abo baba abasavyi bayo.Soma Yohani 4:23, 24.

Shetani yarakwiragije inyigisho z’ikinyoma ku vyerekeye Imana kugira abantu ntibamenye ukuri kuyerekeye. (2 Abakorinto 4:3, 4) Abantu badakunda ukuri baremera izo nyigisho z’ikinyoma. (Abaroma 1:25) Mugabo abantu amamiliyoni bafise umutima nziraburyarya bariko baramenya ukuri kwerekeye Imana mu kwiga Bibiliya.Soma Ivyakozwe 17:11.