Gushikira ivyo urondera

Hitamwo ururimi

Ja ku rutonde rw'ibirimwo rwa kabiri

Ja ku rutonde rw’ibirimwo

Ja ku birimwo

Ivyabona vya Yehova

Ikirundi

UMUNARA W’INDERETSI RUSAMA 2015

 IKIGANIRO GIHUYE N’IBIRI KU GIPFUKISHO | UMUHERO WOBA URI HAFI?

Benshi bazorokoka umuhero—Nawe worokoka

Benshi bazorokoka umuhero—Nawe worokoka

Bibiliya itubwira yuko ku muhero hari abazotikizwa. Ivuga iti: “Hazoba amakuba akomeye atigeze abaho kuva mu ntango y’isi gushika n’ubu. . . . Nkako, iyo misi iyaba itogeruwe, nta gifise umubiri cokize.” (Matayo 24:21, 22) Ariko Imana isezerana ko abantu benshi bazorokoka. Itubwira iti: “Isi iriko irahita . . . , mugabo uwukora ukugomba kw’Imana agumaho ibihe vyose.”1 Yohani 2:17.

Ukwiye gukora iki none nimba wipfuza kurokoka umuhero w’iyi si maze ‘ukagumaho ibihe vyose’? Woba ukwiye kwitegurira uwo muhero mu kurundanya ibifungurwa canke mu gukora ibindi bintu vyo kwikingira? Oya namba. Bibiliya iduhimiriza ishimitse kwitwararika cane ibindi atari ivyo. Itubwira iti: “Ko ivyo bintu vyose bibwirizwa gushonga gutyo, mubwirizwa kuba abantu bameze gute mu bikorwa vy’ingeso nyeranda be n’ibikorwa vy’ukwihebera Imana, murorera kandi mwamiza hafi ku muzirikanyi ukuhaba kw’umusi wa Yehova!” (2 Petero 3:10-12) Uravye ibivugwa muri ico kigabane, bimwe muri “ivyo bintu vyose” bibwirizwa gushonga ni intwaro z’iyi si yononekaye hamwe n’abo bose bazishigikira aho gushigikira intwaro y’Imana. Biratomoye rero yuko kurundanya ibintu atari vyo bizodukiza ako gatikizo.

Mu vy’ukuri, kugira turokoke bisaba ko twihebera Yehova Imana kandi tukiga kugira ingeso nziza no gukora ibimuhimbara. (Zefaniya 2:3) Aho gukurikira inzira ya benshi tukirengagiza ibintu bitomoye vyerekana ko tubayeho mu gihe kidasanzwe, dukwiye nyabuna “[k]wamiza hafi ku muzirikanyi ukuhaba kw’umusi wa Yehova.” Ivyabona vya Yehova barashobora kukwereka bakoresheje Bibiliya ingene worokoka uwo musi wegereje.

Raba n'ibindi

Iyo nkuru nziza ni iyihe?

Numenye iyo nkuru nziza iva ku Mana iyo ari yo, igituma vyihutirwa ko abantu bumva iyo nkuru, be n’ico ukwiye gukora.

Ni ibiki vyogufasha gutahura Bibiliya?

Aho woba warakuriye hose, urashobora gutahura ubutumwa bw’Imana buri muri Bibiliya.